Parıj Olımpıadasynyń kúmis júldegeri Narıman Qurbanov shańyraq kóterdi, dep habarlaıdy aqshamnews.kz
Ol óziniń áriptesi, belgili gımnast Aıda Baýyrjanovaǵa úılenip jatyr. Parıjde kúmis medal enshilegennen keıin Narıman Qurbanov súıiktisi Aıdanyń úılený týraly usynysty kútip júrgenin aıtqan edi. Endi Aıda Baýyrjanova óz uıasynan uzatylyp, qos gımnast erli-zaıypty atanyp otyr.
«Biz Aıda ekeýimiz 2018 jyly tanystyq. Sol ýaqyttan beri qyz-jigit bolyp aralasyp kelemiz. Súıiktim Aıda da gımnastshy. Ol da sporttyń qıyndyǵy men qyzyǵyn jaqsy túsinedi. Biz ekeýimiz de úlken sport jolynan ótkenbiz, sondyqtan bir-birimizge qoldaý kórsetip, alǵa jyljýymyzǵa yqpal etip otyrmyz. Buıyrtsa, toıymyz qyrkúıekte bolady», – dep jazdy Qurbanov áleýmettik jelidegi paraqshasynda.
Jas jubaılar aldaǵy ýaqytta sporttyq mansaptary men otbasylyq ómirlerin qatar alyp júrýdi josparlap otyr. Narıman men Aıda sportty ári qaraı jalǵastyrýdy kózdep, bolashaqta elimizdiń gımnastıka salasyna qosqan úlesterin odan ári nyǵaıtýǵa nıettenýde.
Eki sportshynyń jankúıerleri bul qýanyshty jańalyqty jyly qabyldap, jas jubaılarǵa baqyt tilep, aldaǵy ómirlerine tek sáttilik tiledi.