Almaty qalasynyń Kreatıvti ındýstrıalardy damytý ortalyǵy Almaty Creative Narhoz ýnıversıtetimen jáne Qazaqstannyń Kreatıvti ındýstrıalar alánsymen yntymaqtastyq týraly memorandýmǵa qol qoıdy, dep habarlaıdy aqshamnews.kz Almaty ákimdiginiń baspasóz qyzmetine silteme jasap.
Alánspen yntymaqtastyq Qazaqstandaǵy salanyń damýyna baǵyttalsa, ýnıversıtetpen áriptestik stýdentterge bilim berý jáne mansaptyq múmkindikter usynady.
«Bilim – kreatıvti ekonomıkanyń irgetasy. Biz eldiń aldyńǵy qatarly ýnıversıtetterimen seriktestik ornatyp, jas talanttarǵa kreatıvti ındýstrıada tabysty mansapqa qajetti bilim men resýrstar berýge qýanyshtymyz. Búgin biz osy mısıada taǵy bir mańyzdy qadam jasap, Narhoz ýnıversıtetimen áriptestik ornattyq», – dep atap ótti Almaty Creative ortalyǵynyń bas dırektorynyń mindetin atqarýshy Bahyt Elúbaeva.
Narhoz ýnıversıtetiniń endaýment qorynyń jetekshisi Dana Shaıahmettiń aıtýynsha, Almaty Creative – qalanyń kreatıvti ındýstrıalaryn damytatyn biregeı uıym.
«Bizdiń seriktestigimiz zertteýler men bilim berý baǵdarlamalarynyń baǵyttaryn nyǵaıta túsedi», – dedi ol.
Narhoz Almaty Creative seriktesteri qataryna qosylǵan toǵyzynshy joǵary oqý orny boldy. Buǵan deıin bul jelige T. Júrgenov atyndaǵy QazUÓA, AlmaU, Turan ýnıversıteti, Qurmanǵazy atyndaǵy Qazaq ulttyq konservatorıasy, ál-Farabı atyndaǵy QazUÝ, QazUAÝ, «Ádilet» koleji jáne Eýropalyq dızaın ınstıtýty (IED) qosylǵan bolatyn.