Ǵalymdar bir aı boıy nan jemeýdiń sońy nege ákeletinin aıtty.
Bir aı boıy rasıonyńyzdan nandy alyp tastasańyz, árıne, eń aldymen salmaq joǵaltatynyńyz anyq. Sondyqtan mundaı tásilge kóbinese artyq salmaqpen qosh aıtysqysy keletinder júginip jatady. Biraq nan ónimderinen úzildi-kesildi bas tartý aǵzaǵa zıan, dep habarlaıdy Almaty-akshamy.kz Baq.kz-ke silteme jasap.
Medısına konsýltanty, dáriger Ýsama Abý ar-Rýb nannan bas tartsańyz, salmaǵyńyz azaıyp qana qoımaı, organızmdegi sý da azaıady deıdi. Sebebi aǵzaǵa kómirsý az tússe, bulshyqet pen baýyrdaǵy glıkogen túrinde jınalǵan energıa qory jaǵyla bastaıdy. Osynyń saldarynan organızmnen artyq sý shyǵyp, salmaq azaıady. Sondaı-aq tábet te tómendeıdi. Ony ǵalymdar nannyń quramynda bolatyn rafınadtalǵan kómirsýlardyń qandaǵy qant deńgeıin birden kóteretindigimen baılanystyryp otyr. Ondaı jaǵdaıda organızm ony birden ınsýlınniń kómegimen tómendetýge tyrysyp, nátıjesinde adam qarny ashqanyn túsinedi.
Ǵalymdar nannan tolyqtaı bas tartý organızmge zıandy ekendigin alǵa tartty. Sebebi nannyń quramynda bolatyn tutas dándi un magnıı men V toby dárýmenderiniń jáne aǵzaǵa qajetti ózge de paıdaly zattardyń qaınar kózi ekeni anyq. Sonymen qatar qandaǵy holesterın deńgeıin qalypta ustap, júrek aýrýlarynyń, ınsýlt, semizdik, 2-tıpti dıabettiń aldyn alýǵa kómektesedi.
Densaýlyǵyńyzdy saqtaý úshin tek rafınadtalǵan unnan jasalatyn aq nandy shekteý jetkilikti kórinedi.