Naızaǵaıdan saq bolýǵa shaqyratyn arnaıy jadynama
Mamandar qaıǵyly jaǵdaıdyń aldyn alý maqsatynda ata-analarǵa arnap arnaıy jadynama usynady, dep habarlaıdy almaty-akshamy.kz
• Jalǵyz ósken aǵashtyń astyna tyǵylmańyz. Ondaı aǵashtar naızaǵaı tartýy múmkin. Ásirese, terekter, shyrshalar men qaraǵaılar qaýipti. Oıpatty jerlerde (shuńqyrlar, aryqtar, saılar) nemese avtomobıl joldarynyń astyndaǵy sý ótkizgishterde jasyrynǵan durys.
• Qaltańyzdan metal zattardy (kiltter, shynjyr, oıynshyqtar) alyńyz.
• Eger siz velosıpedpen júrseńiz, odan kem degende 30 metr alystap, jańbyr aıaqtalǵanǵa deıin janyna jaqyndamańyz. • Uıaly telefondy biraz ýaqytqa óshirińiz.
• Eger sýǵa túsý kezinde naızaǵaı soǵa bastasa, shuǵyl túrde sýdan shyǵyp, jaǵadan 100 metr qashyqtyqta júrińiz. Sý elektr togyn jaqsy ótkizedi jáne naızaǵaı tartady.
• Múmkindiginshe kólikte nemese ǵımaratta jasyrynyńyz. Eger bul múmkin bolmasa, joǵarydaǵy usynystardy oryndańyz
• Jaıaý júrýdi toqtatyp, jaqyn mańdaǵy ǵımaratta kútken durys. Aıaldamada kútý qaýipti. Óıtkeni jel aıaldama shatyryn ushyryp áketýi múmkin.
• Úıde bolsańyz, barlyq elektr qurylǵysyn óshirip, terezelerdi jabyńyz.
• Balkonǵa nemese aýlaǵa shyqpańyz. Burshaq jaýa bastasa, terezeden alys jerde bolǵan durys. Óıtkeni burshaq terezeni syndyrýy múmkin.