Búgin Qazaq ulttyq qyzdar pedagogıkalyq ýnıversıtetinde Halyqaralyq áıelder kúni qarsańynda merekelik is-shara ótti.
Alǵash ret Qazaqstan men Ortalyq Azıanyń tuńǵysh áıel akademıgi Naılá Bazanova atyndaǵy áıel ǵalymdarǵa arnalǵan Ulttyq ǵylym akademıasynyń marapaty taǵaıyndaldy, dep habarlaıdy almaty-akshamy.kz.
Saltanatty shara onlaın jáne oflaın formatta uıymdastyryldy. Oǵan elimizdiń ár óńirinen kelgen 70-ten asa jetekshi áıel ǵalym qatysyp, Ulttyq ǵylym akademıasynyń Qurmet gramotalarymen marapattaldy.
Ulttyq ǵylym akademıasynyń Prezıdenti Aqylbek Kúrishbaev óz sózinde elimizde Halyqaralyq áıelder kúni kóptegen jyl boıy resmı mereke bolyp sanalyp kele jatqanyn jáne adamzattyń ádemi jaratylysy kóktemniń, sulýlyqtyń, náziktiktiń, rýhanı danalyqtyń kúni bolyp sanalatynyn erekshe atap ótti.
HH ǵasyrdyń basyna deıin áıelderdi ǵylymǵa jaqyndatpaǵan ári qabiletsiz dep sanaǵan. Sol kezdegi áıel ǵalymdar kóptegen kedergini jeńýge, erlerdiń búrkenshik atyn alýǵa májbúr boldy. Áıelderdiń jumysy men ashqan jańalyǵy kóbine er ǵalymdardyń atynan jarıalanǵan.
Naılá Bazanova atyndaǵy áıel ǵalymdarǵa arnalǵan arnaıy marapat otandyq ǵylymnyń odan ári damýyn yntalandyrý maqsatynda taǵaıyndaldy.
