Atalǵan shara Qonaev qalasynda demeýshilerdiń qarjylandyrýymen ótedi.
Almaty oblysy ákimdigi baspasóz qyzmetiniń málimetinshe, bul jobany memlekettik búdjetten 183 mln teńgege qarjylandyrý josparlanǵan. Alaıda, demeýshiler tartý jumystary oń nátıje berip, «Myń boıaýly aspan» halyqaralyq shar festıvali komersıalyq joba retinde jergilikti demeýshiler men kásipkerlik qurylymdarmen kelisim jasaý arqyly ótkiziletin bolyp, qaıta maquldandy, dep habarlaıdy Almaty-akshamy.kz QazAqparatqa silteme jasap.
Festıvál Qonaev qalasynyń iri is-sharalar men otbasylyq merekelerdi ótkizý orny retinde oń ımıjin qalyptastyrady jáne Almaty oblysynda oqıǵaly týrızmdi ilgeriletýdiń mańyzdy quramdas bóligi retinde aıqyndalady. Onyń negizgi maqsaty – oblystyń, osy aımaqtyń jáne memleketimizdiń týrızmi men ekonomıkasyn damytýǵa járdemdesý.
Oqıǵaly týrızm – álemde keń tanymaldyqqa ıe bolǵan jáne Qazaqstanda damý satysynda turǵan týrısik qyzmettiń perspektıvalyq baǵyty. Ol basqa týrısik qyzmet túrleriniń ishinde ınteraktıvtiligimen, ıaǵnı is-sharaǵa adamdardyń kóp bóligin tartýmen, emosıonaldylyǵymen jáne taqyryptyq ártúrliligimen erekshelenedi. Óıtkeni, Almaty oblysy ishki jáne keletin týrıser sany boıynsha respýblıkada aldyńǵy qatarda.
«Myń boıaýly aspan» - azamattardyń birligi men otbasylyq qundylyqtardy birinshi orynǵa qoıatyn festıvál. Festıválda aspanǵa alyp sharlar men batpyraýyqtardy ushyrý josparlanǵan. Oǵan álemniń túrli elderinen ókilder qatysady.
Sharlar Qonaev qalasynyń aspanyn bezendirip, ony kórkem kenepke aınaldyrady. Festıvál ınteraktıvti kórkem baǵdarlamamen súıemeldenedi. Sharlarmen ushýdan basqa, batpyraýyq saıysy, balalar men eresekterge arnalǵan ınteraktıvti is-sharalar, jarqyn ınternet-kontentke arnalǵan fotoaımaqtar, mýzykalyq jáne teatrlyq shoýlar, túngi jaryq qoıylymdaryna ulasady.