Akademık Bóketov atyndaǵy Qaraǵandy ýnıversıtetiniń radıofızıka jáne elektronıka kafedrasynyń qaýymdastyrylǵan profesory – Dmıtrıı Afanasev 2023 jyldyń qorytyndysy boıynsha joǵary oqý ornynyń úzdik oqytýshysy atandy, dep habarlaıdy almaty-akshamy.kz
Onyń ǵylymı-pedagogıkalyq qyzmeti elektronıkany, zamanaýı aparattyq jáne baǵdarlamalyq qamtylymdy qoldanbaly paıdalanýmen, sondaı-aq ǵylymı jobalardy júzege asyrýmen baılanysty.
Bir oqý-ádistemelik quraly jáne Web of Science jáne Scopus derekter bazasyna engizilgen ǵylymı jýrnaldarda 20-dan astam jarıalanymdary bar. Sońǵy úsh jyldaǵy ǵylymı qyzmetiniń nátıjelerine súıene otyryp, ol monografıa jazýdy josparlap otyr.
«2023 jyly Qaraǵandy Bóketov ýnıversıteti qarjylandyrǵan «Dybystyq aqparatty jańǵyrtýǵa arnalǵan mıkrokontrollerlik qurylǵylar» jobasy aıasynda biz fakúltet stýdentterimen birlese otyryp, 23 mıkrokontroller qurylǵysyn shyǵardyq. Bizdiń jaǵdaıda bul mýzykalyq shyǵarmalar», - deıdi Dmıtrıı Afanasev.
Bul qurylǵylar ýnıversıtettiń mýzykalyq aleıasynda ornalasqan oryndyqtarǵa ornatyldy. Adam bir jarym metr qashyqtyqta bolǵan kezde dachık avtomatty túrde iske qosylady.
Onyń aıtýynsha, fakúltettegi ǵylymı-zertteý zerthanasynyń arqasynda stýdentter qurylǵyny qurastyryp qana qoımaı, ony jasap, synaqtan ótkizýge múmkindik aldy.
«Men bizdiń kafedranyń damyp kele jatqanyna óte qýanyshtymyn. Tájirıbeli jáne jas qyzmetkerlerge rızamyn. Bıylǵy jyly áriptesterimmen birge «Joǵary oqý ornynyń úzdik oqytýshysy» konkýrsynyń jeńimpazy atanǵanymyzǵa da qýanyshtymyn. Bul úlken jetistik», - dep qorytyndylady Dmıtrıı Afanasev.