Almaty qalasy boıynsha Qylmystyq atqarý júıesi departamentine qarasty №11 mekemesine Ábilhan Qasteev atyndaǵy Memlekettik óner mýzeıiniń ókili kelip, dáris ótkizdi, dep habarlaıdy aqshamnews.kz.
Atalǵan balalar kolonıasynda jazasyn ótep jatqan jasóspirimderge ulttyq mýzeıdiń gıd-ekskýrsovody, mádenı mura eskertkishterin qorǵaý boıynsha sarapshy Oksana Tanskaıa «Qazaqstandyq Týtanhamon» degen taqyryp tóńireginde tanymdyq áńgime órbitti. Dáriste skıf kezeńiniń, Altyn adamnyń tarıhy, saq qorǵandarynyń arheologıalyq oljalary egjeı-tegjeıli baıandaldy.
– Osyndaı is-sharalar jasóspirimderdiń estetıkalyq talǵamyn arttyryp, tarıhymyzdy qurmetteı bilýge úndeıdi dep bilemin. Sondaı-aq kez-kelgen tanymdyq kesh aıaǵyn jaza basqan jastarǵa ómirdiń mánin túsindirýde, jaman jolǵa túsip ketpeı, ózine, otbasyna, qoǵamǵa paıdaly ispen aınalysýyna bolatyn joldardy kórsetýde úlken ról atqaratyny sózsiz, – deıdi №11 mekeme bastyǵynyń mindetin atqarýshy ádilet podpolkovnıgi Nurlan Kerebaev.