Jerdiń aınalý jyldamdyǵy azaıyp keledi.
Buǵan adamzattyń oısyz áreketteri sebep bolyp otyr, dep habarlaıdy aqshamnews.kz islam.kz-ke silteme jasap.
Grenlandıa men Antarktıdaǵy muzdyqtardyń erýi planetadaǵy kúrdeli ózgeriske alyp keledi. Sýdyń polárlik aımaqtan ekvatorǵa yǵysýy táýlikti uzartady. Súrıh joǵarǵy tehnıkalyq mektebiniń ǵalymdary kompúterlik modeldi paıdalana otyryp, antropogendik faktordan (adamzattyń áreketinen) jerdiń barlyq júıesi zardap shegetinin anyqtady.
Benedıkt Sodja esimdi profesor XX ǵasyr ishinde jer ǵalamsharynyń aınalý jyldamdyǵy 0,3-ten 1 mıllısekýndqa deıin aýytqyǵanyn atap kórsetti. XXI ǵasyrda, ıaǵnı, qazirdiń ózinde bul kórsetkish sekýndqa shaqqanda 1,3 ms deıin ósken, al atmosferadaǵy kómirqyshqyl gazynyń mólsheriniń odan ary artýy bul prosesti 2100 jylǵa qaraı sekýndyna 2,6 ms-qa deıin jyldamdatýy múmkin. Mundaı ózgerister ýaqyt dáldigine táýeldi GPS júıeleriniń, ınternettiń jáne qarjylyq operasıalardyń jumysyna keri áserin tıgizip, zardaby aýyr saldarǵa uryndyrýy yqtımal.