Almatyda referendýmǵa tanymal qazaqstandyq ánshi, «MýzArt» tobynyń solısi Kenjebek Janábilov qatysty. Óner ıesi otbasymen birge «Báıterek» halyqaralyq mektep-lıseıinde ornalasqan №512 saılaý ýchaskesine keldi.
«MýzArt» tobynyń ánshisi referendýmǵa qatysý eliniń bolashaǵyna alańdaıtyn árbir azamattyń boryshy ekenin atap ótti.
«Biz elimizdiń damýyna birneshe jyl boıy áser etýi múmkin sheshimderge nemquraıly qaramaýymyz kerek. Referendým – pikirimizdi bildirip, ortaq iske úles qosýǵa múmkindik», – dedi Kenjebek Janábilov.
Esterińizge sala keteıik, búgin Qazaqstan aýmaǵynda AES salý máselesi boıynsha respýblıkalyq referendým ótýde. Almaty ákimi Erbolat Dosaev jubaıymen birge tańerteń №48 mektep-lıseıdegi №388 saılaý ýchaskesine kelip, daýys berýge qatysty. Almatylyqtar turǵylyqty jeri boıynsha saılaý ýchaskelerine baryp, saǵat 20.00-ge deıin óz daýystaryn bere alady.