Pandemıa bastalǵannan beri «Delta» ınfeksıasy 163 memlekette tirkelgen.
SARS-COV-2 mýtasıalanǵan «delta» shtamy búkil álemge taralyp jatyr, dep habarlaıdy Almaty-akshamy.kz COVID-19 taralýyna jol bermeý jónindegi VAK-ǵa silteme jasap.
Vırýstyń bul modıfıkasıasy taǵy 15 elde anyqtaldy, dep jarıalandy Dúnıejúzilik densaýlyq saqtaý uıymynyń saıtynda. Sonymen qatar, Shvesıanyń Ýppsala qalasynda qosymsha mýtasıasy bar jańa «delta» shtamy tarala bastady. Pandemıa bastalǵannan beri «delta» ınfeksıasy 163 memlekette tirkeldi, «álfa» shtamy 192 elde, «beta» nusqasy 141 memlekette, «gamma» túri 86 elde rastaldy.
Japonıa
Japonıa úkimeti koronavırýstyń taralýyna baılanysty karantındik shekteý erejelerin qatańdatýǵa májbúr, eldiń taǵy segiz aımaǵynda tótenshe jaǵdaı rejımi engiziledi. Bul shekteýler qosymsha Hırosıma, Hokkaıdo, Mıagı, Aıchı, Gıfý, Mıe, Okaıama jáne Sıga prefektýralaryn qamtıdy. Atalǵan aýmaqtarda tótenshe jaǵdaı 27 tamyzdan bastap engiziledi jáne 12 qyrkúıekke deıin jalǵasady. Shekteý sharalary Japonıanyń 47 prefektýrasynyń 21-ine taralady.
Polsha
Jýyq arada Polshanyń Úkimet janyndaǵy medısınalyq keńesi koronavırýsqa qarsy vaksınanyń úsh komponentti túrin qoldaný máselesin qarastyrady. Qazirgi tańda negizinen COVID-19 vaksınasıasyn eki komponentti úlgileri qoldanylyp keledi. Bul týraly Polshanyń Densaýlyq saqtaý mınıstri Adam Nedzelskıı málimdedi.
Indonezıa
Indonezıada bılik Iava men Balı araldaryndaǵy koronavırýsqa qarsy sharalardyń 30 tamyzǵa deıin uzartylǵanyn habarlady. Qyzmet kórsetý salasyndaǵy mekemeler men qoǵamdyq tamaqtaný nysandarynyń jumysy azdaǵan shekteýlermen júzege asyrylatyn bolady, sondaı-aq kompanıa qyzmetkerleriniń 30-50%-y úshin qashyqtan jumys formaty qoldanylatyn bolady.