«Almaty mektepteri postkovıdtik kezeńde: Bilim sapasy, balalardyń densaýlyǵy jáne otbasynyń róli» atty onlaın-forým barysynda megapolıs ákimi Baqytjan Saǵyntaev qosymsha bilim berý uıymdary balalardy dástúrli formatta oqytýdy 15 qyrkúıekten bastaıtynyn aıtty.
Balalardy qosymsha bilimmen qamtýdy ulǵaıtý úshin qoldanystaǵy mektepten tys uıymdar modernızasıalanýda, dep habarlaıdy Almaty-akshamy.kz
Mysaly, ótken jyl №5 balalar mýzykalyq mektebiniń eski nysany súrilip, onyń ornyna jańa zamanaýı ǵımarat salyndy. Bıyl taǵy 3 Oqýshylar úıin jańartý jumystary bastaldy, qazir jobalyq smetalyq qujattardy daıyndaý kezeńi júrip jatyr.
Bıyldan bastap Alataý men Naýryzbaı aýdandarynda 2 zamanaýı kóp salaly ınovasıalyq shyǵarmashylyq ortalyqtardyń qurylysy bastalady, qoldanystaǵy Oqýshylar saraıy modernızasıalanýda.
«Sonymen qatar, biz osy saladaǵy jeke sektormen yntymaqtastyqty kúsheıtý týraly sheshim qabyldadyq jáne mektepten tys jeke uıymdarda memlekettik bilim berý tapsyrystaryn ornalastyrý úshin jergilikti búdjetten qarjy bóldik», - dedi Baqytjan Saǵyntaev.
Osy memlekettik tapsyrys aıasynda 5 myń oryn bólinedi, onyń ishinde mýzykalyq baǵytqa 600 oryn jáne 4 myńnan astam oryn týrısik-ólketaný, ekologıalyq-bıologıalyq, ǵylymı-tehnıkalyq, kórkemdik jáne basqa da baǵyttar boıynsha.
Bul rette qosymsha bilim berý tek bilim berý jelisi arqyly ǵana emes, bul iske mádenıet jáne sport basqarmalary da belsendi túrde qatysýda.
Osyǵan oraı, bilim berý tapsyrysymen qatar 8750 orynǵa memlekettik shyǵarmashylyq jáne sporttyq tapsyrystardy ornalastyrýǵa jergilikti búdjetten de qarjy bólindi.
Jaıly jaǵdaı jasaý jáne balalardy sportqa tartý úshin jergilikti búdjet esebinen de, jeke ınvestısıa tartýmen de mektepterdiń sport alańdary modernızasıalanýda.
Búgingi tańda MJÁ aıasynda 2 sport alańyn qaıta jańartý aıaqtaldy jáne 8 alańda jumys jalǵasýda. Jergilikti búdjet esebinen taǵy 33 sport alańy jańarýda, osy maqsattarǵa 1 mlrdqa jýyq teńge bólindi. Qabyldanǵan sharalar mektepten tys aqysyz bilimmen balalardy keńinen qamtýǵa múmkindik beredi.