Endi mektep qabyrǵalarynda dombyra tartýdy úıretetin pán paıda bolady.
Bul týraly Y.Altynsarın atyndaǵy ulttyq bilim akademıasynyń vıse-prezıdenti Almagúl Muhamedhanova málimdedi, dep habarlaıdy Almaty-akshamy.kz Egemen.kz-ke silteme jasap.
Almagúl Muhamedhanova bul pándi altynshy synyptan bastap engizý qajettigin atap ótti. Qazir oqytý baǵdarlamasy saraptamadan ótip, keıin barlyq bilim berý uıymdaryna jiberiletin bolady.
«Ulttyq qundylyqtar – óte mańyzdy. Biz óz Otanyn súıip qana qoımaı, oǵan adal, óz halqy men Otanynyń ıdeıalaryn, qundylyqtaryn nasıhattaıtyn azamattardy qalyptastyrýymyz kerek. Biraq bul barlyq balalar pándi tez úırenedi degendi bildirmeıdi. Barlyǵy mekteptiń daıyndyǵy men resýrstaryna baılanysty bolady», - dedi Almagúl Muhamedhanova elordada ótken bilim berý máseleleri jónindegi tamyz konferensıasynda.