Búgin, qarashanyń 23-i Qazaqstanda taekvondo federasıasynyń negizin qalaýshy, sporttyń saıypqyran sańlaǵy Mustafa Óztúriktiń týǵan kúni.
Almaty-akshamy.kz nazarlaryńyzǵa qazaqtyń aıboz uly týraly 10 derekti usynamyz:
1. Shyn esimi – Mustafa Kábenuly Ábdirahman.
2. Ol Túrkıaǵa kóship barǵan qazaq otbasynda týǵan.
3. Ákesi Qaben túrik jerinde palýandarmen beldesip, óziniń jaýyryny jer tımeıtin sheber bolǵan. Túrik baýyrlardyń Qaben aǵaǵa degen syılastyqtary artyp, Óztúrik atap ketken. Osylaısha, otbasy músheleri osy ataýdy ózderine tek etip alady. Sondyqtan Qaben aǵa ómirge kelgen ulynyń esimin Mustafa qoıyp, tegin Óztúrik etip jazdyrady.
4. QR taekvondo (WTF) federasıasynyń negizin qalaýshy, halyqaralyq dárejedegi jattyqtyrýshy, taekvondodan qara belbeý 6 dan ıegeri. Alǵash ret Qazaqstanda taekvondo mektebin ashty.
5. Túrkıanyń Stambul qalasynda, Germanıanyń Múnhen qalasynda, sondaı-aq, Qazaqstanda Mustafa Óztúrik atyndaǵy taekvondo mektepterin ashty.
6. Negizgi mamandyǵy – jýrnalıs
7. 6 tildi jetik meńgerip, erkin sóılegen.
8. Bul dúnıemen qoshtasqanda jasy bar-joǵy 40-ta edi. Denesi Stambul qalasynda, ákesiniń janynda jerlengen.
9. Mustafa Óztúriktiń jumbaq ólimi týraly dostary bylaı dep eske alady: «Ony bireýler ýlaǵan. 1995 jyldary elde reketırlik ýaqyt edi. Bireýlerge Mustafanyń elge kelip, kóterile bastaǵany unamasa kerek. Bizdiń boljamymyzsha, onyń tamaǵyna ý qosqan sıaqty». Alaıda aýrýhananyń bergen resmı málimeti Óztúriktiń qastandyqpen óltirilgenin rastamaıdy.
10. 1991 jyly Qalıla Omarov Mustafa Óztúrikke arnap «Baryp qaıt, balam aýylǵa» fılmin túsirdi
Aqparat Alashainasy.kz-ten alyndy