Memleket basshysynyń Jarlyǵymen Murat Ábýǵalıuly Nurtileý Qazaqstan Respýblıkasy Prezıdenti Ákimshiliginiń basshysy laýazymyna taǵaıyndaldy. Bul týraly Aqorda habarlady.
Murat Ábýǵalıuly Nurtileý 1976 jyly dúnıege kelgen.
Ál-Farabı atyndaǵy Qazaq memlekettik ulttyq ýnıversıtetin bitirgen. Halyqaralyq qatynastar salasy mamany. Dıplomatıalyq dárejesi – birinshi synypty keńesshi. Syrtqy ister mınıstrliginiń memlekettik hattama basqarmasynyń referenti, attashesi, Qazaqstan Respýblıkasynyń Malaızıadaǵy Elshiliginiń attashesi, Qazaqstan Respýblıkasy Syrtqy ister mınıstrligi Azıa jáne Afrıka departamentiniń ekinshi hatshysy, Qazaqstan Respýblıkasy Syrtqy ister mınıstriniń keńesshisi, Syrtqy ister mınıstri hatshylyǵynyń basshysy Qazaqstan Respýblıkasy Parlamenti Senaty apparaty basshysynyń orynbasary bolyp qyzmet istegen.
2007-2011 jyldary Senat apparatynyń basshysy bolyp qyzmet atqardy. 2011 jyly QR Syrtqy ister mınıstrliginiń erekshe tapsyrmalar jónindegi elshisi, QR SİM Azıa jáne Afrıka departamentiniń dırektory. Jenevadaǵy (Shveısarıa Konfederasıasy) QR Turaqty ókildiginde keńesshi ýákil (2011-2014);
QR Prezıdent Ákimshiligi Syrtqy saıasat ortalyǵy meńgerýshisiniń orynbasary (2014-2016). Qazaqstan Respýblıkasynyń Fınlándıa Respýblıkasyndaǵy Tótenshe jáne ókiletti elshisi (2016 jylǵy naýryzdan), Qazaqstan Respýblıkasynyń Estonıa Respýblıkasyndaǵy Tótenshe jáne ókiletti elshisi (2017-2019) mindetin qosa atqarýshy boldy. QR Prezıdentiniń kómekshisi (2019-2021).
2022 jyldyń 5 qańtarynda Qazaqstan Respýblıkasy Ulttyq qaýipsizdik komıteti tóraǵasynyń birinshi orynbasary laýazymyna taǵaıyndaldy.