Murat Nurtileý jańa qyzmetke taǵaıyndaldy, - dep habarlaıdy Aqshamnews.kz tilshisi.
"Memleket basshysynyń Jarlyǵymen Murat Ábýǵalıuly Nurtileý Qazaqstan Respýblıkasy Prezıdentiniń halyqaralyq ınvestısıa jáne saýda yntymaqtastyǵy jónindegi kómekshisi bolyp taǵaıyndaldy, ol burynǵy atqarǵan laýazymynan bosatyldy", - delingen Aqordanyń habarlamasynda.
Murat Nurtileý týraly ne belgili?
Ol 1976 jyly Almaty qalasynda týǵan.
1998 jyly ál-Farabı atyndaǵy Qazaq ulttyq ýnıversıtetiniń Halyqaralyq qatynastar fakúltetin támamdaǵan.
Mansap
1998-1999 jyldary – Qazaqstan Respýblıkasynyń Syrtqy ister mınıstrligi Memlekettik protokol qyzmetiniń referenti, attashesi.
1999-2003 jyldary – Qazaqstannyń Malaızıadaǵy Elshiliginiń attashesi.
2003-2004 jyldary – QR SİM Azıa jáne Afrıka departamentiniń ekinshi hatshysy.
2004-2006 jyldary – QR Syrtqy ister mınıstriniń keńesshisi.
2007 jyly – QR Syrtqy ister mınıstri hatshylyǵynyń basshysy.
2007 jyly – QR Parlamenti Senatynyń Apparaty basshysynyń orynbasary.
2007-2011 jyldary – QR Parlamentiniń Senaty Apparatynyń basshysy.
2011 jyly – QR Syrtqy ister mınıstrliginiń Erekshe tapsyrmalar jónindegi elshisi.
2011 jyly – QR SİM Azıa jáne Afrıka departamentiniń dırektory.
2011-2014 jyldary – Qazaqstan Respýblıkasynyń Jenevadaǵy (Shveısarıa Konfederasıasy) Turaqty ókildiginde keńesshi-ýákil.
2014-2016 jyldary – QR Prezıdenti Ákimshiliginiń Syrtqy saıasat ortalyǵy meńgerýshisiniń orynbasary.
2016-2019 jyldary – Qazaqstan Respýblıkasynyń Fınlándıa Respýblıkasyndaǵy Tótenshe jáne Ókiletti Elshisi, Qazaqstan Respýblıkasynyń Estonıadaǵy Tótenshe jáne Ókiletti Elshisi qyzmetin qosa atqarýshy.
2019-2021 jyldary – Qazaqstan Respýblıkasy Prezıdentiniń kómekshisi.
2021-2022 jyldary – QR Prezıdenti Ákimshiligi Basshysynyń orynbasary.
2022 jylǵy 5 qańtar – QR Ulttyq qaýipsizdik komıteti tóraǵasynyń birinshi orynbasary.
2022-2023 jyldary – Qazaqstan Prezıdenti Ákimshiliginiń basshysy.
2023 jylǵy 3 sáýirden bastap QR Premer-Mınıstriniń orynbasary – Syrtqy ister mınıstri bolyp taǵaıyndaldy.
Aǵylshyn jáne nemis tilderin meńgergen.
Úılengen, 4 balasy bar.