Polısıa tanymal reper Qarakesek-ke qatysty esirtki saqtady degen kúdikpen sotaldy tergeý júrgizip jatyr, - dep habarlaıdy Aqshamnews.kz tilshisi.
İİM málimetinshe, Omar Amantaev (Qarakesek) Aqtóbede ustalǵannan keıin, ákimshilik quqyqbuzýshylyqtar jónindegi mamandandyrylǵan aýdanaralyq sot ony mas kúıinde avtokólik júrgizdi dep kináli dep tanydy. Amantaevqa 15 táýlikke qamaý jazasy taǵaıyndaldy. Sonymen qatar, ol 7 jyl merzimge kólik júrgizý quqyǵynan aıyryldy.
"Esirtki quraldaryn saqtaý deregi boıynsha QR QK-niń 296-baby 2-bóligi – "Esirtki quraldaryn, psıhotroptyq zattardy ótkizý maqsatynda emes, zańsyz saqtaý" boıynsha sotaldy tergeý júrgizilip jatyr", – dep habarlady İİM.
Eger reper esirtkini zańsyz saqtady dep kináli dep tanylsa, oǵan 160 AEK-ke deıin (2025 jyly – 629 120 teńge) aıyppul salynýy, ne 160 saǵatqa deıin qoǵamdyq jumystarǵa tartylýy, ne 40 táýlikke deıin qaıta qamaýǵa alynýy múmkin.
Buǵan deıin reperdiń tek ákimshilik qamaýǵa alynǵany habarlanǵan bolatyn. Al esirtki saqtaý boıynsha qylmystyq is jaıly polısıa aıtpaǵan edi.
Eske salaıyq, qyrkúıektiń basynda Aqtóbe polısıasy 31 jastaǵy rep-oryndaýshyny esirtkilik mas kúıinde ustaǵan bolatyn. Onyń janynan untaq zat salynǵan zıp-paket tabyldy.
Ustalǵan adamnyń Qarakesek ekeni anyqtaldy. Bul - Omar Amantaevtyń sahnalyq esimi. Ol 1994 jyly 17 qazanda Orallf dúnıege kelgen. Ánshi alǵashqy shyǵarmalaryn ınternetke qarapaıym kamera arqyly túsirip, jelige jarıalaǵan. 18 jasynda alǵashqy eki álbomyn shyǵardy. Qarakesek Qazaqstandaǵy eń úzdik lırıkalyq rep-oryndaýshylardyń biri sanalady. Onyń beınebaıandaryn YouTube-ta mıllıondaǵan adam kóredi.