Ermek Kósherbaev syrtqy ister mınıstri bolyp taǵaıyndaldy, - dep habarlaıdy Aqshamnews.kz tilshisi.
"Memleket basshysynyń Jarlyǵymen Ermek Bedelbaıuly Kósherbaev Qazaqstan Respýblıkasynyń Syrtqy ister mınıstri bolyp taǵaıyndaldy, ol burynǵy atqarǵan laýazymynan bosatyldy", - dep jazylǵan habarlamada.
Ermek Kósherbaev týraly ne belgili?
1965 jyly 2 mamyrda Almaty qalasynda dúnıege kelgen. Arǵynnyń ishinde Qarakesek Esbalaq rýynan shyqqan.
1988 jyly Kırov atyndaǵy Qazaq memlekettik ýnıversıtetin tarıh mamandyǵy boıynsha, shet tilinde sabaq beretin tarıh pániniń muǵalimi, al 1993 jyly sáýirde KSRO Syrtqy ister mınıstrliginiń Dıplomatıalyq akademıasy halyqaralyq qatynastar jáne syrtqy saıasat mamandyǵy boıynsha bitirgen.
Eńbek jolyn 1988 jyldyń tamyz aıynda Qazaq KSR Syrtqy ister mınıstrliginde jasyryn is júrgizý jónindegi aǵa ınspektor bolyp bastady.
1988 jyldyń qyrkúıeginen 1989 jyldyń qazanyna deıin — Qazaq KSR Syrtqy ister mınıstriniń kómekshisi boldy.
1989 jyldyń qarashasynan 1990 jyldyń maýsymyna deıin — Qazaq KSR Syrtqy ister mınıstrligi Baspasóz jáne aqparat basqarmasynyń birinshi hatshysy boldy.
1990 jyldyń maýsymynan 1991 jyldyń qyrkúıegine deıin — Qazaq KSR Syrtqy ister mınıstrligi Konsýldyq bólimniń birinshi hatshysy.
1993 jyldyń mamyrynan tamyzyna deıin — Qazaqstan Respýblıkasy Syrtqy ister mınıstrligi Azıa elderi basqarmasynyń birinshi hatshysy.
1993 jyldyń tamyzynan jeltoqsanyna deıin — Qazaqstan Respýblıkasy Syrtqy ister mınıstrligi Memlekettik hattama basqarmasynyń birinshi hatshysy.
1993 jyldyń jeltoqsanynan 1994 jyldyń maýsymyna deıin — Qazaqstan Respýblıkasy Syrtqy ister mınıstrligi Memlekettik hattama basqarmasynyń bólim meńgerýshisi.
1994 jyldyń maýsymynan 1996 jyldyń qańtaryna deıin — Qazaqstan Respýblıkasy Prezıdenti Apparaty basqarmasynyń halyqaralyq bóliminiń keńesshisi.
1996 jyldyń qańtarynan sáýirine deıin — Qazaqstan Respýblıkasy Prezıdentiniń Hattama qyzmeti basshysynyń mindetin atqarýshysy.
1996 jyldyń sáýirinen 1997 jyldyń tamyzyna deıin — Bern qalasyndaǵy Qazaqstan Respýblıkasynyń Shveısarıa Konfederasıasyndaǵy Elshiliginiń birinshi hatshysy.
1997 jyldyń tamyzynan qazanyna deıin — Almaty qalasyndaǵy kópjaqty yntymaqtastyq departamentiniń Azıalyq qaýipsizdik bóliminiń meńgerýshisi.
1997 jyldyń qazanynan 1999 jyldyń qarashasyna deıin — Qazaqstan Respýblıkasy Premer-Mınıstri Nurlan Balǵymbaevtyń kómekshisi.
2000 jyldyń qańtar-mamyr aralyǵynda — «Nursultan Nazarbaev Bilim qory» qoǵamdyq qory dırektorynyń komersıalyq jáne jalpy máseleler jónindegi orynbasary.
2000 jyldyń mamyrynan qazanyna deıin — «Nursultan Nazarbaev Bilim qory» qoǵamdyq qory dırektorynyń birinshi orynbasary.
2000 jyldyń qazanynan 2001 jyldyń qańtaryna deıin — «QazTransOıl» Ulttyq munaı tasymaldaý kompanıasy» jabyq aksıonerlik qoǵamynyń baspasóz qyzmetiniń jetekshisi.
2001 jyldyń qańtarynan maýsymyna deıin — «QazTransOıl» Ulttyq munaı tasymaldaý kompanıasy» jabyq aksıonerlik qoǵamy prezıdenti apparatynyń jetekshisi.
2001 jyldyń maýsymynan 2002 jyldyń naýryzyna deıin — «Munaı jáne gaz tasymaldaý» ulttyq kompanıasy» jabyq aksıonerlik qoǵamynyń apparat basshysy.
2002 jyldyń naýryzynan 2003 jyldyń jeltoqsanyna deıin «QazMunaıGaz» Ulttyq kompanıasy» jabyq aksıonerlik qoǵamynyń birinshi vıse-prezıdenti Tımýr Qulybaevtyń keńesshisi jáne kompanıa prezıdenti apparatynyń jetekshisi bolyp jumys istedi.
2003 jyldyń jeltoqsanynan 2004 jyldyń mamyryna deıin — «Raýan Medıa Grýpp» aksıonerlik qoǵamynyń bas dırektory.[1]
2004 jyldyń mamyrynan tamyzyna deıin — «Otan» Respýblıkalyq saıası partıasy Ortalyq apparaty basshysynyń birinshi orynbasary.
2004 jyldyń tamyzynan 2005 jyldyń sáýirine deıin — «QazMunaıGaz» ulttyq kompanıasy» aksıonerlik qoǵamy prezıdenti keńsesiniń meńgerýshisi.
2005 jyldyń sáýirinen 2006 jyldyń mamyryna deıin — «Atameken» Qazaqstan kásipkerleri men jumys berýshileriniń ulttyq odaǵy» zańdy tulǵalar birlestigi atqarýshy dırektorynyń birinshi orynbasary.
2006 jyldyń mamyrynan 2007 jyldyń aqpanyna deıin — «Otan» respýblıkalyq saıası partıasy ortalyq apparatynyń jetekshisi.
2007 jyldyń aqpanynan shildege deıin — «Búrkit» jaýapkershiligi shekteýli seriktestiginiń qarjylyq-óndiristik tobynyń dırektory.
2007 jyldyń qarashasynan 2008 jyldyń sáýirine deıin — «Kazenergy» Qazaqstannyń munaı-gaz jáne energetıkalyq keshen uıymdarynyń qaýymdastyǵynyń atqarýshy dırektory, Astana q.
2008 jyldyń sáýirinen 2009 jyldyń aqpanyna deıin — «Raýan Medıa Grýpp» AQ bas prodúseri, Astana q.
2009 jyldyń aqpanynan 2010 jyldyń shildesine deıin — «Ertis» áleýmettik-kásipkerlik korporasıasy» Ulttyq kompanıasy» aksıonerlik qoǵamynyń basqarma tóraǵasy.
2010 jyldyń shildesinen qyrkúıekke deıin — Shyǵys Qazaqstan oblysy ákimi orynbasarynyń mindetin atqarýshysy. 2010 jyldyń qyrkúıeginen 2012 jyldyń qazanyna deıin — Shyǵys Qazaqstan oblysy ákiminiń orynbasary. 2012 jyldyń qazanynan 2014 jyldyń jeltoqsanyna deıin — Shyǵys Qazaqstan oblysy ákiminiń birinshi orynbasary.
2014 jyldyń jeltoqsanynan 2016 jyldyń qazanyna deıin — Qazaqstan Respýblıkasy Aýyl sharýashylyǵy vıse-mınıstri.
2016 jyldyń qazan – 2018 jyldyń mamyr aralyǵynda — Qazaqstan Respýblıkasy Aýyl sharýashylyǵy mınıstrliginiń jaýapty hatshysy.
2018 jyldyń mamyrynan 2019 jyldyń qańtaryna deıin — Qazaqstan Respýblıkasy Syrtqy ister mınıstrliginiń jaýapty hatshysy.
2019 jyldyń qańtarynan 2020 jyldyń qańtaryna deıin — Qazaqstan Respýblıkasy Syrtqy ister mınıstriniń orynbasary.[2]
2020 jyldyń 29 qańtarynan 2023 jyldyń 16 maýsymyna deıin — Qazaqstan Respýblıkasynyń Reseı Federasıasyndaǵy Tótenshe jáne Ókiletti Elshisi.[3][4][5]
2023 jylǵy 16 maýsymnan 2025 jylǵy 14 aqpanǵa deıin — Shyǵys Qazaqstan oblysynyń ákimi.
2025 jylǵy 14 aqpannan bastap — Qazaqstan Respýblıkasy Premer-mınıstriniń orynbasary.
Qazaq, orys, aǵylshyn, káris tilderin biledi.
Otbasy
- Áıeli: Shaıjúnisova Dınara Márkenqyzy — 1998—2000 jyldary Semeıdiń ákimi bolǵan Márken Shaıjúnisovtiń qyzy.
- Balalary: uly — Dastan (1988), qyzy — Dámeli (1993).
Ol Qazaqstannyń tuńǵysh prezıdentiniń úlken qyzy Darıǵa Nazarbaevaǵa quda bolyp keledi: Dınara Shaıjúnisovanyń inisi Dalen Shaıjúnisov 2018 jyly Darıǵa Nazarbaevanyń qyzy Veneraǵa úılengen.