Naǵyz rýhanı qundylyqtardy dáripteýge baǵyttalǵan kınotýyndy
Belgili rejıser Bolat Qalymbetov túsirgen «Muqaǵalı» fılmi «Temnye nochı» atty 25-shi Tallın kınofestıvlinde (PÖFF) ekýmenıkalyq qazylar alqasynyń arnaıy júldesine ıe boldy, dep habarlaıdy Almaty-akshamy.kz «Qazaqfılm» kınostýdıasyna silteme jasap.
Bul týraly festıvál uıymdastyrýshylary «Estonıa» konsert zalynda ótken sharanyń jabylý salatantynda jarıa etti.
«Fılmniń poezıalyq tili men erekshe kórkemdigi adam janyn erekshe sezimge bóleıdi. Naǵyz rýhanı qundylyqtardy dáripteýge baǵyttalǵan kınotýyndy», - dedi Estonıanyń dinı uıymdary ókilderi kirgen ekýmenıkalyq qazylar alqasy.
Esterińizge sala ketsek, qazaqtyń aqıyq aqyny Muqaǵalı Maqataevtyń 90 jyldyǵyna oraı QR Mádenıet jáne sport mınıstrliginiń tapsyrysy boıynsha Sháken Aımanov atyndaǵy «Qazaqfılm» AQ jaryqqa shyǵarǵan kınotýyndy aty ańyzǵa aınalǵan aqyn ómiriniń sońǵy jyldary týraly baıandaıdy.
Fılmniń senarıin belgili jazýshy Júsipbek Qorǵasbek rejıser Bolat Qalymbetov jáne Ǵazız Nasyrovpen birge jazdy. Atalǵan kınotýyndy ústimizdegi jyly 21 qazanda prokatqa shyqqan bolatyn.