Jyl basynan beri elimizde 1 mlrd teńgeden astam eńbekaqy qaryzy tólengen. Úkimettiń keńeıtilgen keńesinde Premer-Mınıstrdiń orynbasary Altaı Kólginov osyndaı málimet berdi, dep habarlaıdy Almaty-akshamy.kz. QazAqparatqa silteme jasap.
«Eńbek daýlary boıynsha monıtorıń turaqty túrde júrgiziledi jáne naqty sharalar qabyldanýda. Onyń nátıjesinde 51 kásiporynda problemalar shıeleniske jetkizbeı sheshildi. Jyl basynan beri jumysshylarǵa 1 mlrd teńgeden astam jalaqy qaryzy óteldi, 8 myń adamnyń quqyqtary qorǵaldy. Eńbek daýlary turaqty baqylaýda. Shıelenisterdi boldyrmaý úshin ákimdikterge júıeli sharalar qabyldaý tapsyryldy», – dedi ol.
Úkimet basshysynyń orynbasary munaı-gaz salasyndaǵy eńbek daýlaryna jeke toqtaldy.
«Munaı-gaz kásiporyndary shoǵyrlanǵan batys óńirlerge Úkimet erekshe kóńil bólip otyr. Keıbir kásiporyndarda táýekelder saqtalyp otyr. Sondyqtan bul máseleni «Samuryq Qazyna», «QazMunaıGaz» kompanıalary keshendi túrde qarastyrýda. Olarǵa servısti qyzmet kórsetetin kompanıalar jumysshylary úshin bir jyldyq eńbek sharttaryn úsh jylǵa sozý máselelerin qarastyrý tapsyryldy», – dedi Altaı Kólginov.