Qazaqstandyq dzúdoshy Ábıba Ábýjaqynova Parıjde ótken Olımpıada oıyndarynda qola medalǵa kúresip sátsizdikke ushyraǵan soń áleýmettik jelidegi paraqshasynda halyqqa arnap jazba jarıalady, dep habarlaıdy aqshamnews.kz
"Meni qoldap, júldesiz qalǵanyma qaramastan jyly lebizderińizdi arnap jatqandaryńyzǵa raqmet! Men bul kúndi uzaq kútken edim. Qazaqstan áıelder dzúdosynyń tarıhyn jańartýǵa bar kúshimdi salǵanymmen, ózim oılaǵandaı nátıjege qol jetkize almadym...", - dep jazdy sportshy.
Ábıba Ábýjaqynova halyqtan keshirim surap, óz jazbasynda bylaı dep aıtty:
"Maǵan sengen barshańyzdyń úmitterińizdi aqtaı almaǵanym úshin keshirim suraımyn! Men munymen toqtap qalmaımyn! Myqty bolyp oralamyn!"
Qazaqstandyqtar sportshy qyzdyń namysshyl ekenine tánti boldy. Ábıba Ábýjaqynova óziniń jigerliligi men qaısarlyǵy arqyly kóptegen jankúıerlerdiń júregin jaýlap aldy. Onyń aldaǵy jarystarda úlken jetistikterge jetetinine senim mol.
Ábýjaqynovanyń ózine artylǵan úmitti aqtaý úshin bar kúsh-jigerin salatynyna senim bildirgen jankúıerleri onyń kelesi jarystaryna tabys tilep, qoldaý kórsetýdi jalǵastyratynyn aıtty.