Sıdneı olımpıadasynda boksa asa aýyr salmaqta kúmis júldeger atanǵan Muhtarhan Dildábekov elimizdiń boks federasıasynda laýazymdy qyzmetke kiristi.
Belgili boksshy budan bylaı federasıada bapkerler shtabymen jumys jónindegi vıse-prezıdent qyzmetin atqarady, dep habarlaıdy almaty-akshamy.kz.
Ol bokstan asa aýyr salmaqta Olımpıada oıyndarynyń (2000) jáne álem chempıonatynyń (1999) kúmis júldegeri, Azıa Oıyndarynyń jeńimpazy, eki márte kúmis júldegeri. Sondaı-aq, Azıa chempıonatynyń kúmis jáne qola medal ıegeri.
Buǵan deıin Qazaqstan boks federasıasynyń prezıdenti Keńes Raqyshev ornynan ketip, Shahmurat Mútálip saılanǵan bolatyn.