Onyń kandıdatýrasy Májilistiń jalpy otyrysynda usynyldy
Búgin QR Parlamenti Májilisiniń jalpy otyrysynda Muhtar Erman Ortalyq saılaý komısıasynyń múshesi qyzmetine taǵaıyndaldy, dep habarlaıdy Almaty-akshamy.kz QazAqparat saıtyna silteme jasap.
«Konstıtýsıamyzdyń 57 jáne 58-baptaryna sáıkes, palata tóraǵasynyń usynýymen Parlamenttiń ár palatasy Ortalyq saılaý komısıasynyń 2 múshesin taǵaıyndaıdy. Osyǵan baılanysty bul qyzmetke áriptesimiz Muhtar Ermannyń kandıdatýrasyn usynyp otyrmyz», - dedi Májilistiń jalpy otyrysynda palata spıkeri Erlan Qoshanov.
Erman Muhtar Tildábekuly 1963 jyly Ońtústik Qazaqstan oblysynda týǵan. Qazaq memlekettik ýnıversıtetin bitirgen.
QR Parlamenti Májilisindegi «Nur Otan» partıasy fraksıasy apparatynyń basshysy, altynshy, jetinshi saılanǵan QR Parlamenti Májilisiniń depýtaty boldy.
«Qurmet» ordenimen, «Eren eńbegi úshin», «Qazaqstan Respýblıkasynyń Táýelsizdigine 10 jyl», «Qazaqstan Respýblıkasynyń Táýelsizdigine 20 jyl», «10 jyl - Astana» medaldarymen marapattalǵan.
Májilis depýtaty Muhtar Ermannyń ókilettigi merziminen buryn toqtatyldy.