QR Eńbek jáne halyqty áleýmettik qorǵaý mınıstrligi halyqqa memlekettik kórsetiletin qyzmetterdiń qoljetimdiligin arttyrý boıynsha júrgizilip jatqan jumys sheńberinde «Múgedektigi bar balalardy úıde oqytýǵa jumsalǵan shyǵyndardy óteý» qyzmeti úshin proaktıvti formatty iske asyrdy.
Shyǵyndardyń joǵaryda kórsetilgen túrin óteý bala tolyq memlekettik qamtamasyz etýde bolmaǵan jaǵdaıda, otbasynyń tabysyna qaramastan ata-analardyń birine beriledi.
Buǵan deıin osy kórsetiletin memlekettik qyzmetti alý úshin «Azamattarǵa arnalǵan úkimet» memlekettik korporasıasy» KEAQ fılıalyna baryp nemese eGov portalyna ótinish jazý qajet bolatyn.
Endi mobıldi azamattar bazasynda telefon nómirin tirkegen jaǵdaıda, kórsetilgen ádistermen qatar qyzmetti 1414 nómirinen tek bir SMS-ke jaýap berý arqyly alýǵa bolady.
Memlekettik qyzmetti proaktıvti kórsetý prosesi múgedektigi bar balany úıde oqytý týraly memlekettik organdardyń aqparattyq júıelerinen málimetter kelip túsken kezde avtomatty túrde bastalady.
Kelisim alǵannan keıin júıe kórsetiletin qyzmetti alýshynyń derekteriniń memlekettik qyzmet kórsetý qaǵıdalarynyń talaptaryna sáıkestigin tekserýdi júzege asyrady, onyń nátıjeleri boıynsha tólem taǵaıyndaý týraly sheshim nemese dáleldi bas tartý qabyldanady.
Taǵaıyndalǵan qarajat habarlamaǵa jaýap berý kezinde kórsetiletin qyzmetti alýshy kórsetken bank shotyna aýdarylady.
Osylaısha, proaktıvti format qazaqstandyqtarǵa úıden shyqpaı jáne kóp ýaqyt jumsamastan, qajetti qyzmetti alýǵa múmkindik beredi, sondaı-aq sybaılas jemqorlyq táýekelderin azaıtýǵa yqpal etedi, óıtkeni memlekettik qyzmet kórsetýge az adam qatysady.