Múgedektigi bar adamdarǵa arnalǵan qaıyrymdylyq aksıasyn ótkizý týraly aqparat jalǵan bolyp tabylady
Messendjerler men áleýmettik jelilerde taratylyp jatqan 23 shilde kúni QR Eńbek jáne halyqty áleýmettik qorǵaý mınıstrliginiń (budan ári – Eńbekmıni) janynda múgedektigi bar adamdarǵa arnalǵan qaıyrymdylyq aksıasy ótetini týraly aqparat shyndyqqa janaspaıdy, dep habarlady Almaty-akshamy.kz QR Eńbek jáne halyqty áleýmettik qorǵaý mınıstrliginiń habaryna silteme jasap.
QR Eńbek jáne halyqty áleýmettik qorǵaý mınıstrligi múgedektigi bar adamdar men múgedektigi bar balalardy tárbıelep otyrǵan otbasylar úshin qandaı da bir aksıalar ótkizý josparlanbaǵanyn habarlaıdy.
Azamattardan jalǵan aqparatqa nazar aýdarmaýdy jáne aqparatty tek resmı derekkózderden alýdy suraımyz. Jalǵan aqparat taratý zań boıynsha jazalanady.
Esterińizge sala keteıik, Qazaqstanda múgedektigi bar adamdardyń ómir súrý sapasyn jaqsartý boıynsha turaqty negizde josparly jumys júrgizilýde.
2020 jyly áleýmettik tólemderge, ońaltýdyń tehnıkalyq quraldarymen jáne qyzmetterimen qamtamasyz etýge memlekettik búdjetten 455 mlrd teńge bólindi, aǵymdaǵy jyly bul maqsattarǵa 486 mlrd teńge kózdelgen.
Alýshylarǵa yńǵaıly bolýy, ońaltý quraldarymen jáne qyzmetterimen qamtamasyz etýdi jaqsartý úshin Áleýmettik qyzmetter portaly iske qosyldy (aleumet.egov.kz). Qańtar aıynan bastap portalǵa ońaltýdyń tehnıkalyq quraldarynyń barlyq 55 túri kóshirildi.
Eńbekmıni múgedektik sebebine qaramastan, I toptaǵy múgedektik kezinde kútim jónindegi járdemaqyny engizýdi; járdemaqylardyń mólsherin qaıta qaraı otyryp, 7 jastan 16 jasqa deıingi balalardy múgedektik toptary boıynsha bólýdi; múgedektigi boıynsha jáne asyraýshysynan aıyrylý jaǵdaıy boıynsha járdemaqylardy bir mezgilde alý quqyǵyn berýdi; kámeletke tolǵan kezde múgedektigi bar balalardy tárbıelep otyrǵan otbasylar úshin turǵyn úı kezegin saqtaýdy jáne basqa da normalardy kózdeıtin zań jobasyn ázirledi. Atalǵan zań jobasyn bıylǵy jyly qabyldaý kútilýde, ol Májiliste maquldanyp, Senatqa qaraýǵa berildi.
Múgedektigi bar balalardy ońaltý qyzmetterimen qamtamasyz etý úshin jergilikti atqarýshy organdarmen birlesip shaǵyn sıpattaǵy ońaltý ortalyqtaryn ashý boıynsha jumys júrgizilýde. Bıyl 12 ortalyq ashylady, onyń 6-ýy jumys istep tur (Pavlodar oblysy, qamtý aýqymy – 150 bala; Qyzylorda oblysy – 150; BQO – 100; Aqtóbe oblysy – 350; Aqmola oblysy – 100; Nur-Sultan qalasy – 150).
Múmkindikteri shekteýli adamdar úshin medısınalyq-áleýmettik saraptamanyń rásimderi men merzimderin ońtaılandyrý maqsatynda Eńbekmıni múgedektikti syrttaı belgileýdi engizý boıynsha jumys júrgizýde. 1 shildeden bastap joba 6 óńirde: Nur-Sultan, Almaty qalalarynda, Batys Qazaqstan, Soltústik Qazaqstan, Aqmola jáne Qaraǵandy oblystarynda iske qosylady. Jobany iske asyrý keleshekte múgedektigi bar adamdardyń ınstansıalar boıynsha júrýin jáne kórsetiletin qyzmetti berýshimen tikeleı baılanysyn boldyrmaýǵa múmkindik beredi.
2020 jyly múgedektigi bar adamdarǵa arnalǵan Kásipter atlasy ázirlendi, ol olardy jumysqa ornalastyrý kezinde, onyń ishinde Elektrondyq eńbek bırjasynda (enbek.kz) jumys izdeýdi jetildirý úshin qoldanylady.
Múgedektigi bar adamdardy áleýmettik qoldaý jáne jumysqa ornalastyrý úshin barlyq óńirlerde «TenQogam» ortalyqtaryn ashý josparlanǵan. Nur-Sultan men Almatyda mundaı ortalyqtar psıhologıalyq jáne quqyqtyq kómek, jumysqa ornalasýǵa járdem kórsete otyryp, tabysty jumys isteýde.
Áleýmettik qyzmet kórsetý sapasyn arttyrý maqsatynda qazirgi ýaqytta Áleýmettik qyzmetti odan ári jańǵyrtý jónindegi ulttyq jospar ázirlendi jáne jaqyn arada qabyldanatyn bolady.
Osy sharalardyń nátıjesinde 695 myńnan astam múmkindikteri shekteýli adamdardyń ómir súrý sapasy men kórsetiletin qyzmetterge qoljetimdiligi jaqsarady.