*Múgedektigi bar adamdardyń uıymy korporatıvtik tabys salyǵynan bosatylady*
Qyzmetkerleriniń basym bóligin múgedektigi bar adamdar quraıtyn uıymdar korporatıvtik tabys salyǵy (KTS) boıynsha jeńildikterge ıe bolady. «Eger múgedektigi bar qyzmetkerler sany 10 adamnan assa, uıym korporatıvtik tabys salyǵyn tóleýden tolyq bosatylady», – dep málimdedi Almaty qalasy boıynsha Memlekettik kirister departamentiniń Kameraldyq baqylaý basqarmasy kameraldyq monıtorıń bóliminiń basshysy Danıar Talǵat Óńirlik komýnıkasıalar qyzmetinde.
Uıymdy múgedektigi bar adamdardyń uıymy dep taný úshin qajetti shart:
– múgedektigi bar qyzmetkerlerdiń ortasha jyldyq sany jalpy qyzmetkerler sanynyń keminde 51%-yn quraýy kerek;
– olarǵa tólenetin eńbekaqy shyǵyny jalpy eńbek shyǵynynyń keminde 51%-yn quraýy tıis;
- tabystyń keminde 90 paıyzy solardyń aralasýymen taýar satyp, qyzmet satýdan túsýi kerek.
Sondaı-aq, bul tabys uıymnyń óz qyzmetine baǵyttalýy qajet jáne múgedektigi bar qyzmetkerler basqa osyndaı tıptegi uıymdarmen bir mezgilde eńbek qatynasynda bolmaýy tıis.
Mundaı uıymdarǵa eki deńgeıli salyq jeńildigi kózdelgen:
– eger shtattaǵy múgedektigi bar qyzmetkerler sany 3-ten 10 adamǵa deıin bolsa, eseptelgen KTS somasy 50%-ǵa azaıtylady;
– al eger qyzmetkerler sany 10 adamnan assa – KTS tolyqtaı joıylady.
Memleket osylaısha múgedektigi bar adamdar úshin turaqty jumys oryndaryn qurýǵa jaǵdaı jasap, olardy belsendi turde jumysqa tartýǵa yntalandyryp otyr.
Mundaı is-sharalar salyqtyq júktemeni azaıtyp qana qoımaı, sonymen qatar jumysqa ornalasý múmkindigin arttyrýǵa da sep bolady. Inklúzıvti kásiporyndardyń qurylýy ekonomıkanyń básekege qabilettiligin arttyryp, áleýmettik baǵyttaǵy bıznes-orta da qalyptastyrady. Mundaı ortada uıymdar memlekettik qoldaýǵa ıe bolyp, múgedektigi bar adamdar kásibı turǵyda ózin-ózi shyńdaýǵa qosymsha múmkindik alady, – dep atap ótti Danıar Talǵat.