Oralda polıseıler bastaýysh synyp muǵalimin óltirdi degen kúdiktini dereý ustady, - dep habarlaıdy almaty-akshamy.kz Batys Qazaqstan oblysy polısıa departamentiniń baspasóz qyzmetine silteme jasap.
25 sáýirde júrgizilgen jedel-izdestirý sharalarynyń barysynda er adam anyqtalyp, ustaldy. Kúdikti buryn sottalǵan Oral turǵyny bolyp shyqty.
"Qazirgi ýaqytta kúdikti sottyń sanksıasymen qamaýda otyr, tergeý múddesi úshin basqa málimetter jarıalanbaıdy", - delingen vedomstvo habarlamasynda.
Eske salaıyq, 25 sáýirde Oralda bastaýysh synyp muǵalimi Nadejda Nıkıtınany óz páterinde óltirip ketken. 1964 jyly týǵan muǵalimniń máıiti onyń turǵylyqty jerinen tabyldy, onda zorlyq-zombylyq belgileri bolǵan. Nadejda Nıkıtına 35 jyl bir mektepte jumys istegen.