Bul týraly byltyr habarlaǵanbyz.
Úkim áli zańdy kúshine engen joq, dep habarlaıdy Almaty-akshamy.kz QR Joǵarǵy sotynyń baspasóz qyzmetine silteme jasap.
Almaty qalasy Medeý aýdanynyń №2 aýdandyq sotynda para almaq boldy jáne alaıaqtyq jasady dep aıyptalǵan eki adamǵa qatysty qylmystyq is qaraldy.
Sot neni anyqtady?
M., Almaty qalasy Bilim basqarmasynyń memlekettik satyp alýlar jónindegi bas mamany bola tura, kásipker N.-dan para alý maqsatynda onyń “B» JSHS jáne «A» JSHS kompanıalaryn erekshe qajettilikteri bar balalardyń, jetim balalar men ata-anasynyń qamqorlyǵynsyz qalǵan balalardyń jazǵy demalysyn uıymdastyrý jónindegi memlekettik satyp alý konkýrsynyń jeńimpazy dep tanyǵan.
2023 jyldyń jazynda N. óziniń jeke mektebine 50 balany ákelgen. Sol kúni balalar lagerin uıymdastyramyz degen jeleýmen 300 balany fıtnes ortalyǵy bar monsha keshenine ákelgen.
Balalardyń ata-analary jeke mektep pen fıtnes-ortalyǵy bar monsha kesheniniń shyn máninde balalardyń demalys aımaǵyna aınalǵanyn bilip, balalardy úılerine alyp ketken.
M. jáne N.-nyń qylmystyq áreketteriniń nátıjesinde qolaısyz jaǵdaıda, beıtanys adamdardyń arasynda bolǵan, onyń ishinde erekshe kútimdi qajet etetin balalardyń jazǵy demalysy buzylǵan.
Sottalýshylardyń kinási is boıynsha jınaqtalǵan dáleldemelermen, sottalýshy N.-nyń kináli is-áreketterdi jasaǵanyn moıyndaýymen, kýálardyń aıǵaqtarymen, mamandardyń qorytyndylarymen, jasyryn tergeý áreketteriniń nátıjelerimen jáne t.b. dáleldendi.
Taraptardyń pozısıasy
Sottalýshy M., kinásin moıyndamaı, sottan ózin aqtaýdy surady.
Sottalýshy N., óz kinásin tolyq moıyndap, bas bostandyǵynan aıyrýmen baılanysty emes jaza taǵaıyndaýdy surady. Prokýror M. – 7 jyl, N. – 5 jyl jaza taǵaıyndaýdy surady.
Sottyń sheshimi
Sot úkimimen M., asa iri mólsherde para alýǵa árekettengeni úshin kináli dep tanyldy. Ol ómir boıyna memlekettik qyzmette qyzmet atqarýǵa tyıym salynyp, 6 jylǵa bas bostandyǵynan aıyryldy.
N. asa iri mólsherde aldaý jáne senimge qıanat jasaý arqyly alaıaqtyq áreketi úshin sottaldy. Oǵan 5 jyl merzimge bas bostandyǵynan aıyrý jazasy taǵaıyndaldy. Jazany taǵaıyndaý kezinde sot jeńildetetin mán-jaılardy: sottylyǵynyń bolmaýyn, sottalýshy M.-nyń asyraýynda eki kishkentaı balasynyń bolýyn jáne N.-nyń jasaǵan qylmysyna ókinýin eskerdi. Eshqandaı aýyrlatatyn mán-jaılar anyqtalǵan joq.