QR Densaýlyq saqtaý mınıstrliginiń monıtorıńtik toby QR DSM DSM analar densaýlyǵyn saqtaý basqarmasynyń basshysy Shákızat Halyqovanyń tóraǵalyǵymen Abaı oblysynyń medısınalyq uıymdarynda júkti áıelder men balalarǵa medısınalyq kómek kórsetýdi uıymdastyrýǵa baǵalaý júrgizdi, dep habarlaıdy Almaty-akshamy.kz.
Monıtorıńtik toptyń quramyna basqa óńirlerdiń jetekshi mamandary – akýsher-gınekologtar, anestezıolog-reanımatolog, neonatolog, gospıtaldyq epıdemıolog jáne bas akýsher kirdi.
Monıtorıńtik top Semeı qalasynyń medısınalyq uıymdaryna (oblystyq perınataldyq ortalyq, N 1 QP, N 2 QP) bardy, sondaı-aq shalǵaı aýdandarda (Maqanshy aýyldyq aýrýhanasy, Úrjar AOA, Aıagóz KAOA) boldy.
Jumys sapary barysynda bosaný jáne balalardyń densaýlyǵyn saqtaýdyń ózekti máseleleri talqylanyp, medısına qyzmetkerlerine uıymdastyrýshylyq-ádistemelik kómek kórsetildi.
Monıtorıńtiń qorytyndysy boıynsha Abaı ákimdigi apparatynyń basshysy Jasulan Sársebaevtyń qatysýymen Maǵrıpa Embergenovanyń tóraǵalyǵymen ana ólimin azaıtý boıynsha shuǵyl sharalar qabyldaý jónindegi óńirlik shtabtyń otyrysy ótkizildi.
Monıtorıńtik toptyń mamandary baǵalaý nátıjelerin usyndy jáne bar negizgi problemalardy aıtty. M. Embergenova medısınalyq uıymdardy materıaldyq-tehnıkalyq jaraqtandyrýdyń jetkiliksiz deńgeıin, anestezıolog reanımatologtar men akýsher-gınekologtardyń, jekelegen aýdandardaǵy neonatologtardyń tapshylyǵyn, sondaı-aq perınataldyq kómekti óńirlendirý, medısınalyq uıymdardyń ózara is-qımyly, júkti áıelder men balalardy baǵyttaý qaǵıdattaryn saqtaý qajettigin atap ótti.
Shtab otyrysynyń qorytyndysy boıynsha oblystyń densaýlyq saqtaý basqarmasyna júkti áıelder men balalarǵa medısınalyq kómek kórsetýdi uıymdastyrý men sapasyn jaqsartý úshin tıisti usynystar berildi.