Mońǵolıa astanasy Ulan-Bator qalasynda halyq úkimetke qarsy sherýge shyqty, dep habarlaıdy aqshamnews.kz.
Turǵyndar elde jemqorlyqtyń kúsheıgenine narazy. Oǵan qosa áleýmettik máseleler de nazarǵa usynyldy. Máselen, joldaǵy keptelis, salyqty azaıtý, qaladaǵy tútindi seıiltý jaıy kóterilgen. Sýhe-Bator atyndaǵy ortalyq alańǵa 3 myńdaı adam jınalǵan.
Zindaa.mn basylymynyń jazýynsha, osy oqıǵaǵa baılanysty astanada 15 avtobýs marshrýty toqtaǵan. Ortalyq kóshede kólik qozǵalysy kidirdi.
Mońǵolıada uıymdastyrylǵan narazylyq aksıasy birneshe saǵatqa sozyldy. Alańǵa jınalǵan adamdar bılik belgilegen shamada – jergilikti ýaqyt boınysha saǵat 17:00-de tarqaýy tıis edi.
Sherýge shyqqandar Parlament depýtattaryn úkimetti otstavkaǵa jiberýdi talap etti. Alańdaǵylardyń keıbiri úkimet keńsesine shabýyldamaq bolǵan. Arnaıy jasaq olardy toqatty.
Mıtıńti «Azattyq alánsi» partıasy uıymdastyrdy.