Telegram chattarynda AQSH-tyń Florıda shtatynda bezgektiń órshýi týraly jazylýda. Keıbir adamdardyń pikirinshe, ony Bıll Geıts shyǵarǵan genetıkalyq túrlendirilgen masalardan taraǵan. Bul shyndyqqa sáıkes kelmeıdi, dep habarlaıdy almaty-akshamy.kz stopfake.kz silteme jasap.
Genetıkalyq-modıfıkasıalanǵan masalar Oxitec kompanıasy 2022 jyly Florıda men Kalıfornıada shyǵarǵan. Olar jabaıy ortaǵa Aedes aegypti túrine jatatyn mıllıondaǵan atalyq masa, sary bezgekti masa ushyrǵan. Bul jándikterdiń genomy ómirsheń urpaq bere almaıtyndaı etip ózgertilgen. Osynyń arqasynda Denge bezgegi men Zıka vırýsyn taratatyn Aedes aegypti masalarynyń popýlásıasy birneshe esege azaıyp, adamdarǵa qaýip tóndirmeıdi.
Aedes aegypti túrine jatatyn masalar bezgektiń tasymaldaýshysy bola almaıdy. Bul aýrýdy basqa, Anopheles tobyna jatatyn kishigirim masalar taratady, adamdarǵa aýrýdy analyq masalar ǵana juqtyrady.
Esterińizge sala keteıik, Oxitec gendik-modıfıkasıalanǵan masalardy basqa túrde ǵana emes, basqa jynysta da shyǵarǵan.
Sonymen qatar Bıll Geıts Oxitec kompanıasynyń basshysy emes. Kompanıanyń baspasóz hatshysy Associated Press portalyna habarlaǵandaı, Aedes aegypti atalyq masalaryn ushyrý jobasyna Bıll Geıts demeýshilik etpegen jáne oǵan múldem qatysy joq.
Qoryta aıtqanda, taralǵan aqparat jalǵan. AQSH-ta bezgektiń órshýi genetıkalyq túrlendirilgen masalarmen, ásirese Bıll Geıtspen baılanysty emes.