Prezıdenttiń baspasóz qyzmeti men KYRAN FILMS baıqaý jarıalady.
Basty maqsat – tamyry tereńge boılaǵan ulttyq sport túrlerin nasıhattaý, dep habarlaıdy aqshamnews.kz
Gran-prı – is-shara barysynda prezıdenttiń jeke mobılografy retinde jumys isteý.
Elimizdiń jas mobılograftaryna tamasha múmkindik týyp tur. Prezıdenttiń baspasóz qyzmeti men KYRAN FILMS kompanıasy V Dúnıejúzilik kóshpendiler oıyndaryna baılanysty úzdik beınerolıkke baıqaý jarıalady.
Jeńimpaz memleket basshysynyń bir kúndik mobılografy retinde jumys isteýge múmkindik alady. Sonymen qatar prezıdenttiń qoltańbasy qoıylǵan iPhone 15 Pro Max pen 1 mıllıon teńge júldege ıe bolady. Mundaǵy basty talap – Kóshpendiler oıyndaryna arnalǵan eń kreatıvti promo-rolık túsirip, ony áleýmettik jelilerge, WhatsApp, Telegram-ǵa #nomadgamesfest heshtegimen jarıalaý qajet.
V Kóshpendiler oıyndary – álem nazarynda. 90-ǵa jýyq memleketten 2 myńnan asa sportshy qatysady. Osyǵan baılanysty prezıdenttiń baspasóz qyzmeti men KYRAN FILMS kompanıasy úzdik beınerolıkke baıqaý jarıalady. Bul joba álemde alǵashqy ret ótkizilip otyr. Basty maqsat – tamyry tereńge boılaǵan ulttyq sport túrlerin nasıhattaý.
«Babadan qalǵan mol murany, búginge jetken asyl qazynany kózimizdiń qarashyǵyndaı saqtap, bolashaqqa mıras etý – búgingi urpaqtyń boryshy. Osy oraıda prezıdenttiń baspasóz qyzmeti men KYRAN FILMS kompanıasy V Dúnıejúzilik kóshpendiler oıyndary týraly úzdik beınerolık baıqaýyn uıymdastyrýdy kózdep otyr. Maqsat – tamyry tereńnen tartatyn sporttyq oıyndardy halyq arasynda keńinen nasıhattaý, kóshpendiler oıyndarynyń máni men mańyzyn arttyrý, dúbirli dodanyń joǵary deńgeıde ótýine atsalysý», - dedi prezıdent keńesshisi-baspasóz hatshysy Berik Ýálı.
Gran-prı – is-shara barysynda prezıdenttiń jeke mobılografy retinde jumys isteý. İİ orynǵa – taǵy da 1 mln teńge. İİİ orynǵa – iPhone 15 Pro Max, IV orynǵa – 500 000 teńge, 5-15-oryndarǵa – mobılografqa kerekti jabdyqtar. 16-20 oryndarǵa mobılografıa kýrsy syılyqqa jáne bonýstyq 50 oryn sizdiń áleýmettik jelide jınaǵan árbir 100 myń qaralymyńyz úshin 50 myń teńge syılyqqa.
«Jalpy 150 kontentmeıkerge syılyǵymyz bar. Prezıdent ákimshiligi eldegi jas mobılograftarǵa erekshe múmkindik berip otyr. Baıqaýǵa tigilgen júlde qory da qomaqty. Bastysy, qatysyp kórińiz, baǵyńyzdy synańyz! Qurmetti Qazaqstannyń barlyq mobılografy men kreatıvti jastary! Sizderge prezıdenttiń jeke mobılografy bolýǵa bir kúndik erekshe eksklúzıvti múmkindik týyp tur», - dep jazdy mobılograf Qyran Talapbek.
Mobılograf jumysy 1 qyrkúıekke deıin qabyldanyp, jeńimpazdar 9 qyrkúıekte anyqtalady. Ol úshin Kóshpendiler oıynyna arnalǵan eń kreatıvti promo-rolık túsirip, WhatsApp, Telegram-ǵa #nomadgamesfest heshtegimen jarıalasańyz bolǵany.