Qarjy vıse-mınıstri Marat Sultanǵazıev mobıldi qosymshalarda tólem jasaýǵa arnalǵan jańa «Tólemder» fýnksıasy týraly aıtty dep habarlaıdy almaty-akshamy.kz
Qazir mobıldi qosymshany paıdalanatyndardyń bir ǵana «Aýdarym» jasaý múmkindigi bar. Endi «Tólem» joly paıda bolýy kerek. Aýdarymdar týystar arasynda júzege asyrylady, al taýarlar, jumystar men qyzmetter úshin tólemder júrgiziledi. Ol qolma-qol aqshamen de, kartamen de tóleýge bolatyndaı fýnksıa, - dedi Sultanǵazıev.
Vıse-mınıstr aıtqandaı, bul kásipkerlerge qosymsha salmaq túsirmeıdi. Salyq mólsherlemeleri, tóleý merzimi, esep berý tártibi ózgerissiz qalady.
Eger siz aqsha aýdarǵan bolsańyz, onda siz tutynýshy retinde óz quqyqyńyzdy qorǵaý múmkindigin aıyrylyp otyrsyz. Óıtkeni siz zatty almaǵanmen, ol úshin tek aýdarym jasadyńyz. Eger siz ony satyp alsańyz, sizge chek beriledi, bul ónim men qyzmet úshin tólem ekenin kórsetedi. Keıin tutynýshy retinde ónimniń sapasyna talap qoıýǵa, ony qaıtarýǵa bolady. Al bulaı jasamasańyz, onda siz tutynýshy retinde quqyǵyńyzdan aıyryldyńyz. Tólemdi emes, aýdarymdy qabyldaǵan jeke kásipker muny salyq eseptiliginde kórsetýi ekitalaı, - dep túsindirdi Qarjy mınıstrliginiń ókili.