Kóp uzamaı qatarǵa qosylady
Aıdar Mahmýtov jıý-jıtsýdan álem chempıonatynyń fınalynda jaraqat alǵan, dep habarlaıdy Almaty-akshamy.kz.
Buǵan deıin ol Germanıada aqyly em qabyldap keldi. Aıdardyń dostary oǵan otandyq medısınaǵa nazar aýdarýyna keńes bergen.
Sportshynyń menıskisi jyrtylǵan edi. Operasıa kvota boıynsha tegin jasaldy. Aldymen ol turǵylyqty jeri boıynsha emhanaǵa júginip, ondaǵy dárigerler Aıdardy Prezıdenttik klınıkaǵa operasıaǵa jiberedi.
«25 jyl bolypty óz elimizdegi aýrýhanalarǵa júginbegenime. Dostarym Prezıdenttik klınıkany usyndy. Buǵan deıin Germanıada emdelgenmin, sol sebepti de salystyrmaly túrde aıtsam, óz klınıkamyz sheteldiń klınıkalarynan kem túspeıdi eken, tipti keıbir jabdyqtary men tamaǵy asyp túsedi desem qatelespeımin», - deıdi Aıdar Ahmetov.
Operasıa «tize býynynyń artroskopıasy» ádisimen jasaldy. Bul zamanaýı jáne mınımaldy ınvazıalyq hırýrgıa, ıaǵnı deneni az ǵana tilip oryndalady. Mundaı operasıalar Prezıdenttik klınıkada «Emdeýge jatqyzý búrosy» portaly arqyly tegin jasalady.
«Biz mundaı operasıalardy MÁMS aıasynda emdeýge jatqyzý búrosy portaly arqyly QR azamattaryna tegin jasaımyz. Ol úshin pasıent konsýltasıaǵa jazylýy kerek, men sol jerde bárin egjeı-tegjeıli túsindirip beremin» - deıdi Prezıdenttik klınıkanyń travmatology Asqar Baımuhametov.