7 maýsymda BUU janyndaǵy Áıelderge qatysty kemsitýshiliktiń barlyq nysandaryn joıý jónindegi komıtet (CEDAW) múshelerin saılaý ótti. Onyń quramyna alǵash ret Qazaqstan ókili de kirdi, dep habarlaıdy almaty-akshamy.kz
QR SİM baspasóz qyzmetiniń habarlaýynsha, Birikken Ulttar Uıymynyń Áıelderge qatysty kemsitýshiliktiń barlyq nysandaryn joıý jónindegi konvensıasyna qatysýshy memleketterdiń 23-shi keńesi sheńberinde BUU shtab-páterinde 2025-2028 jyldar kezeńine Áıelderge qatysty kemsitýshiliktiń barlyq nysandaryn joıý jónindegi komıtet (CEDAW) múshelerin saılaý ótti. Alǵash ret Qazaqstannan kandıdat – belgili qazaqstandyq dıplomat Mádına Jarbosynova CEDAW quramyna saılandy.
"Bul mańyzdy tarıhı oqıǵa, óıtkeni buǵan deıin BUU-nyń osy mańyzdy organynda Ortalyq Azıa elderiniń eshqaısysy usynylmaǵan", delingen vedomstvo habarlamasynda.
Ortalyq Azıa elderi arasynda Qazaqstan – genderlik teńdik salasyndaǵy progres boıynsha kóshbasshy. Qazaqstan 146 el arasyndaǵy genderlik teńdikti baǵalaý úshin ázirlengen 2023 jylǵy Jahandyq genderlik alshaqtyq ındeksinde 62-shi orynǵa ıe bolyp, pozısıasyn jaqsardy jáne 18 orynǵa kóterildi.
Qazaqstanmen qatar CEDAW-da 11 orynǵa 20 memlekettiń ókilderi úmitker boldy – Oman, Shveısarıa, Lıvan, Nıderland, Gvatemala, Andorra, Aýstralıa, Nepal, Grýzıa, Chılı, Barbados, QHR, Zımbabve, Býrýndı, Kamerýn, Mozambık, Soltústik Makedonıa, Ýrýgvaı, Ulybrıtanıa jáne Togo.