Týyndynyń senarı avtorlary - Murat Esjan, Ularbek Nurǵalym jáne Ushqyn Sáıdirahman
Tarıhı serıal Alash qaıratkeri Mirjaqyp Dýlatulynyń ómiri, shyǵarmashylyǵy men saıası kúresi jaıynda. Sol zamandaǵy aıtýly oqıǵaǵa negizdelgen. Rejıser Murat Esjan byltyr kóptiń nazaryna ult ustazy Ahmet Baıtursynuly týraly serıal usynyp, kórermenderden joǵary baǵa alǵan bolatyn dep habarlaıdy Almaty-akshamy.kz inbusiness.kz-ke silteme jasap.
Aldaǵy eki kúni boıy shyǵarmashylyq top Qostanaı qalasynda túsirilim jasaıdy. Ol úshin qaladaǵy tarıhtan syr shertetin kóne ǵımarattar arnaıy tańdalǵan. Túsirilim jumystary Mirjaqyp Dýlatulynyń týǵan jeri Jangeldi aýdany, Qyzbel aýylynda da jalǵaspaq. Ol jerde Mirjaqyptyń balalyq shaǵy men alǵashqy úlken ómirge qadam basqan sátteri vıdeoǵa taspanalady.
"Ótken jyly "Ahmet. Ult ustazy" kınosyn túsirgende onyń týyp-ósken jeri Torǵaıdyń nazardan tys qalǵanyna syn aıtyldy. Kóptegen kórermender budan bylaı mundaı qatelikke jol bermeýdi ótindi. Sondyqtan bul joly biz aqyn Mirjaqyp Dýlatulynyń týǵan jerinde túsirilim jasaýdy uıǵardyq", – deıdi telehıkaıanyń rejıseri Murat Esjan.
Joba bas prodúseri Aısáýle Ábildaevanyń aıtýynsha, 6 cerıadan turatyn týyndyǵa qajetti dekorasıany tańdaý úshin shilde aıynda Qostanaıǵa kelipti. "Mirjaqyp" serıalynyń túsirilimi 17 tamyzda Almaty oblysynda bastaldy. Ol ólkede biz eń kóp materıal jınadyq. Qostanaı jerine kelýimizdiń basty sebebi - tarıhı týyndyǵa óń beretin negizgi sátterdi túsirý.
Serıalda Mirjaqyptyń rólin akter Baqyt Qajybaev, al jary Ǵaınıkamal rólinde aktrısa Zarına Karmen. Serıalda Álıhan Bókeıhanov rólin Baýyrjan Qaptaǵaı, Ahmet Baıtursynulyn Baıǵalı Esenálıev somdaıdy.
Týyndy Táýelsizdik merekesi qarsańynda Ulttyq arnadan kórsetiledi dep josparlanyp otyr.