Oqıǵanyń sebebin anyqtaý úshin synamalar alyndy
Áleýmettik jelilerge júrgizilgen monıtorıń barysynda Qapshaǵaı sý qoımasynda balyqtardyń qyrylýy týraly beınematerıaldar anyqtaldy. Bul týraly Ekologıa, geologıa jáne tabıǵı resýrstar mınıstrligi málim etti, dep habarlaıdy Almaty-akshamy.kz.
Balyqtardyń qyrylýyna ákep soqtyrǵan mán-jaılardy anyqtaý maqsatynda Balqash-Alakól oblysaralyq baseındik balyq sharýashylyǵy ınspeksıasy ózara is-qımyl sqemasyna sáıkes janýarlardyń qaýpin jáne qyrylýyn anyqtaǵan kezde, ýákiletti organdarǵa dereý habarlandy.
«Atap aıtqanda, oqıǵa ornyna ınspeksıa qyzmetkerlerimen birge, Almaty oblysy ákiminiń orynbasary R.Raqymbekov, sondaı-aq ákimdikke qarasty tabıǵı resýrstar jáne tabıǵatty paıdalanýdy retteý basqarmasynyń qyzmetkerleri, mamandandyrylǵan tabıǵatty qorǵaý prokýratýrasynyń ókilderi keldi. Basqa da jaýapty mekemelerdiń mamandary jumystyń basy-qasynda boldy. Nátıjesinde «Aına Sý» JSHS-ne bekitilgen Lev taýy aımaǵyndaǵy Qapshaǵaı sý qoımasy balyq sharýashylyǵy ýchaskesiniń №11 jaǵalaý syzyǵynda jas balyqtardyń qyrylǵany belgili boldy. Olardyń jalpy salmaǵy shamamen 350-400 kg bolady», - delingen habarlamada.
Oqıǵanyń sebebin anyqtaý úshin Qonaev qalasy boıynsha sanıtarlyq-epıdemıologıalyq baqylaý departamenti, Almaty oblysy boıynsha ekologıa departamenti, «Balyq sharýashylyǵy ǵylymı-óndiristik ortalyǵy» JSHS jáne «Qazgıdromet» RMK mamandary sý synamalaryn, sondaı-aq jas balyqtardyń úlgilerin aldy.
«Qazirgi ýaqytta «Aına Sý» JSHS ań aýlaý qyzmeti óli balyq shabaqtaryn odan ári kádege jaratý úshin jınap jatyr. Sý jáne jas balyqtardy zertteý nátıjeleri boıynsha qosymsha málimetter usynylatyn bolady», - dep jazdy mınıstrlikten.
Qonaev qalasynyń İİB-da balyqtardyń qyrylý faktisi tirkeldi.