Bul azamattardyń ótinishterine jedel jaýap berý maqsatynda jarıalanyp otyr.
Oqý-aǵartý mınıstrligi elimizdiń barlyq óńirindegi bilim basqarmalary basshylarynyń uıaly telefondary men áleýmettik jelidegi akkaýnttaryn jarıalady. Sondaı-aq orynbasarlarynyń nómirleri da kórsetilgen, dep habarlaıdy Almaty-akshamy.kz QR Oqý-aǵartý mınıstrligine silteme jasap.
«Bilim berý uıymdarynyń jumysyna, balalardy oqytýǵa jáne basqa da máselelerge qatysty suraqtar týyndaǵan jaǵdaıda, qazaqstandyqtar bilim basqarmalary men aýmaqtyq bólimderdiń basshylaryna tikeleı habarlasa alady. Ata-analar, pedagogter bilim salasyndaǵy problemalar jaıynda habarlaı alady. Basshylar azamattardyń ótinishterine jedel den qoıyp, qajetti sheshimderdi ýaqytynda qabyldaýy qajet. Qarjylandyrý, qurylys, jóndeý jumystary ákimdikterdiń quzyrynda ekenin esterińizge sala keteıin», - dedi Mektepke deıingi jáne orta bilim komıtetiniń tóraǵasy Gúlmıra Kárimova.
Sonymen qatar bilim basqarmalarynda call-ortalyqtar quryldy. Oǵan da azamattar bilim berý máseleleri boıynsha júgine alady. Call-ortalyqtardyń nómirleri áleýmettik jelilerdegi paraqshalarda jarıalanǵan.
Bilim basqarmalary basshylarynyń nómirin myna jerden kórýge bolady.