Naqtyraq aıtqanda, oqý-aǵartý mınıstrligi mektepke daıyndyq barysynda balalardy sýretke túsirmeýge shaqyrdy. Mundaı sýretter balalardyń psıhologıasyna qatty áser etedi.
Oqý-aǵartý mınıstrligi Balalardyń quqyqtaryn qorǵaý komıtetiniń tóraǵasy Nasymjan Ospanova osylaı dedi, dep habarlaıdy Almaty-akshamy.kz Kznews.kz-ke silteme jasap.
«Kómek berip, jaqsylyq jasaǵanda balanyń osal, sezimtal ekenin esten shyǵarmaýlaryńyzdy ótinemin. Sondyqtan, syılyq alyp jatqan balanyń sýretterin áleýmettik jeliler men ǵalamtorǵa jarıalamaýlaryńyzdy suraımyz. Ókinishke oraı, bul sýretti keıbireýler qýdalaý quralyna aınaldyra alady. Meıirimdilik jasańyz, biraq bul jaqsylyqty aıǵaılap turyp kórsetpeseńiz de bolady», — dedi Ospanova Ortalyq komýnıkasıalar qyzmetinde ótken brıfıńte.
Eske salaıyq, Bilim mınıstrliginiń bastamasymen 2008 jyldan beri jyl saıyn 1 tamyz ben 30 qyrkúıek aralyǵynda elimizdiń barlyq aımaqtarynda «Mektepke jol» respýblıkalyq qaıyrymdylyq aksıasy ótkizilip keledi.
Aksıa erekshe bilim berýdi qajet etetin, kóp balaly jáne turmysy nashar otbasylardan shyqqan, sondaı-aq asyraýshysynan aıyrylǵan balalarǵa áleýmettik qoldaý kórsetýge baǵyttalǵan.