Keıbir adamdar «MKU jabylsa, qaryz tóleý mindetti emes» dep oılaıdy. Biraq bul – qate túsinik. Qarjy naryǵyn retteý jáne damytý agenttigi qaryz alýshynyń alǵan aqshasyn tolyq qaıtarýǵa mindetti ekenin eskertedi, dep habarlaıdy aqshamnews.kz
Eger mıkrokredıt uıymynyń lısenzıasy toqtatylsa nemese uıym jabylsa, onyń qaryzdary basqa qarjy uıymdaryna nemese kolektorlarǵa berilýi múmkin. Bul proses kelesideı júredi:
Qaryz basqa uıymǵa beriledi – MQU óz aktıvterin bankterge, kolektorlyq agenttikterge nemese basqa qarjy uıymdaryna sata alady. Bul jaǵdaıda qaryzdy jańa kredıtorǵa tóleý kerek bolady.
Qaryzdy óndirip alý – Eger kompanıa tolyqtaı jabylsa, onyń múlki men aktıvteri satylyp, bereshekterdi óndirip alý júrgiziledi.
Qazaqstanda mundaı jaǵdaılar jıi kezdesedi. 2024 jyly 17 mıkrokredıt uıymy óz erkimen lısenzıadan bas tartty, al 12 uıym zań buzǵany úshin jabyldy.
MQU-nyń zańdy ekenin qalaı tekserýge bolady?
Qaryz alarda uıymnyń Qarjy naryǵyn retteý jáne damytý agenttiginiń tiziminde bar-joǵyn tekserińiz.
Nesıe alarda neni eskerý kerek?
- Paıyzdyq mólsherlemeni tekserińiz
- Tóleý merzimin naqtylańyz
- Aıyppuldar men qosymsha sharttardy muqıat oqyńyz
Qazaqstanda 900-den astam mıkrokredıt uıymy bar, sondyqtan qaryz alý kezinde muqıat bolý óte mańyzdy.