Qazaqstandyq tenısshi Mıhaıl Kýkýshkın Tokıodaǵy Olımpıada oıyndaryn jeńispen bastady.
Eki setke sozylǵan machta qazaqstandyq tenısshiniń argentınalyq Federıko Korıamen kezdesip 7:6, 7:5 esebimen jeńiske jetkenin Almaty-akshamy.kz budan buryn habarlaǵan bolatyn.
«Búgingi kezdesý men úshin ońaı bolǵan joq. Óıtkeni, mynadaı ystyqta tenıs oınaý qıynǵa soǵatyny anyq. Dese de, Olımpıada - tórt jylda bir keletin jarys. Bul básekeni álemdegi barlyq atletter kútti. Sondyqtan men úshin Olımpıadanyń orny erekshe. Jeńiske jetkenim úshin qýanyshtymyn. Mundaı iri jarysta, Olımpıada oıyndarynda, óz elimniń namysyn qorǵaý - men úshin úlken qurmet. Qazirgideı sátte kúnniń ystyǵyn da, basqa qıyndyqtardy da túgel umytyp, tek jeńis týraly oılaısyń. Kelesi kezdesý búgingiden de qıyn bolady, óıtkeni qarsylasym áldeqaıda qarymdy. Biraq eshnársege qaramastan, tek jeńiske jetýge tyrysamyn. Jarysty odan ári jalǵastyrý úshin qoldan kelgenniń bárin isteımin», - dedi Kýkýshkın Olympic.kz tilshisine bergen suhbatynda.