15 maýsymda Internet Explorer-ge qoldaý kórsetý toqtatylatynyn eske saldy.
Microsoft korporasıasy Windows paıdalanýshylaryn Edge braýzerine kóshe bastaýǵa shaqyrdy. Bul týraly kompanıanyń blogynda habarlandy. Korporasıa ókilderi qoldanýshylarǵa eskirgen braýzerdi qoldaý sharalary jaqyn arada aıaqtalatynyn eskertti, dep habarlaıdy Almaty-akshamy.kz Almaty.tv silteme jasap.
Microsoft ınjenerleri, ásirese, İT kompanıalarǵa úırenshikti braýzerden jańasyna aýysý qıyn bolýy múmkin ekenin atap ótti. Birinshi kezekte Microsoft korporasıasy Edge-te Internet Explorer-di iske qosýǵa múmkindik beretin arnaıy rejım bar ekenin alǵa tartqan. Materıal avtorlary paıdalanýshylarǵa belgili bir saıttardyń bul baǵdarlamamen qalaı ashylatynyn tekserýdi, al ınjenerler eski braýzerden birkelki ótý jáne jańa baǵdarlamany paıdalanýdy bastaý úshin arnaıy kúndi josparlaýǵa keńes berdi.
Sarapshylardyń aıtýynsha, Internet Explorer-den Edge-ge barlyq derekter men parametrlerdi tasymaldaý asa mańyzdy. Ol úshin Edge mekenjaı jolaǵyna «edge://settings/importData» pármenin engizip, «Importtaý» batyrmasyn basyp, «Microsoft Internet Explorer» opsıasyn tańdaý kerek. Microsoft ókilderi 2022 jyldyń 15 maýsymynda Internet Explorer-ge qoldaý kórsetý toqtatylatynyn eske saldy. Endi kompúterine IE ornatqysy keletin paıdalanýshylar Edge braýzeriniń paraqshasyna baǵyttalady.