Qurylǵy doǵa tárizdi pishinge ıe.
WindowsUnited nemis basylymynyń málimetinshe, Microsoft korporasıasy jınalmaly kompúter tintýirin shyǵarady, dep habarlaıdy Almaty-akshamy.kz Lenta.ru saıtyna silteme jasap.
Amerıkalyq korporasıanyń patentinde qurylǵy bolashaqtyń tintýiri retinde sıpattalǵan. Qurylǵy doǵa tárizdi pishinge ıe jáne alǵashqy nusqasy 2008 jyly shyqqan Arc tintýirine uqsaıdy. Aksesýardyń kiriktirilgen topsasy bar, onyń arqasynda ony ońaı alyp júrý úshin búkteýge bolady.
Jýrnalıser bul tintýirdi qazir tanymal bola bastaǵan jınalmaly smartfondarmen salystyrdy. Qurylǵynyń qujattamasynda onyń aınaldyrý dóńgelegi bolatyn-bolmaıtyny kórsetilmegen. Jýrnalıserdiń boljaýynsha, Microsoft korporasıasy kompúterlik tyshqandardyń osy bir klasıkalyq elementinen bas tartýy múmkin. Patent 2021 jyldyń naýryzynda berildi jáne 4 qarashada jarıalandy. Osydan keıin avtorlar aksesýar jaqyn arada shyǵarylýy múmkin degen qorytyndyǵa kelip otyr.
2020 jyldyń tamyz aıynyń basynda AQSH-ta 92 jastaǵy alǵashqy kompúterlik tintýirdi jasaýshylardyń biri Ýılám Inglısh qaıtys boldy. Ol 1964 jyly Dýglas Engelbartpen birlese jumys istep, kompúterlik tintýirdiń úlgisin jasaǵan bolatyn.