Kezdesý 19 qańtarda ótedi.
Lıonel Messı men Krıshtıaný Ronaldý oınaıtyn Fransıanyń «Parı Sen-Jermen» jáne Saýd Arabıasynyń «Al-Nasr» komandalary 19 qańtarda joldastyq kezdesý ótkizedi, dep habarlaıdy Almaty-akshamy.kz QazAqparatqa silteme jasap.
Fransıalyq klýb qysqy oqý-jattyǵý jıynynyń kúntizbesin jarıalady. Komanda atalǵan daıyndyqty jylda Saýd Arabıasy jáne Qatarda ótkizip keledi.
«Parı Sen-Jermen» 17 qańtarda Qatar astanasy Doha qalasyna keledi. Onda 2022 jylǵy álem chempıonaty ótken stadıondardyń birinde jattyǵý jumystaryn jasaıdy. Odan keıin 19 qańtarda jergilikti «Al-Nasr» jáne «Al-Hılál» klýbtarymen joldastyq kezdesý ótkizedi. Sodan keıin qaıtadan Parıjge attanyp ketedi.
Aıta ketsek, «Al-Nasr» komandasynda portýgalıalyq shabýylshy Krıshtıaný Ronaldý oıyn kórsetedi. Ol atalǵan klýbpen ótken jyldyń sońynda kelisimshartqa qol qoıdy.