Biraq mansabyn qashan aıaqtaıtynyn ózi de bilmeıdi
Argentına ulttyq quramasy men AQSH-tyń «Inter Maıamı» klýbynyń shabýylshysy, álem chempıony Lıonel Messı mansabyn qashan aıaqtaıtynyn aıtty, dep habarlaıdy almaty-akshamy.kz.
Buryn da aıtqanmyn, qazir de aıtamyn, men búgingi kúnmen ómir súrgim keledi. Bolashaǵyma qumalaq ashpaımyn. Fızıkalyq turǵyda qazir mende bári jaqsy. Áli qansha oınaıtynymdy naqty aıta almaımyn. Densaýlyǵym kelse, alańǵa shyǵa beremin, – dep jaýap berdi MessıMarca tilshisiniń saýalyna.
Buǵan deıin de ol ázirshe fýtbolmen qoshtaspaıtynyn, odan tek lázzat alǵysy keletinin aıtqan bolatyn.
Shynyn aıtqanda, áli de mansabymdy aıaqtaý týraly oılamaımyn. Maǵan jattyǵý jasap, alańǵa shyǵyp, fýtbol oınaǵan unaıdy. Qaı kezge deıin oınaıtynymdy bilmeımin. Biraq kóbirek fýtbol oınaǵym keledi. Qazir, eń bastysy, fýtboldan lázzat alǵym keledi, – dedi Lıonel Lıonel Messı TyC Sports-ke bergen suhbatynda.
Aıta ketsek, ol bıylǵy jazdan beri AQSH-tyń «Inter Maıamı» klýbynda oınaıdy. Az ǵana ýaqytta amerıkalyq klýbtyń úzdik surmergenderiniń úshtigine kirgen. Onyń «Inter Maıamımen» kelisimsharty 2025 jylǵa deıin jasalǵan.