Lıonel Messı dop tebetin "Inter Maıamı" klýby Lıga Kýbogynyń fınalynda Neshvılldi jeńdi.
Kezdesýdiń negizgi ýaqyty 1:1 esebimen aıaqtaldy. Al oıyn sońyndaǵy penaltı serıasynda Argentınalyq aıaqdopshynyń komandasy 10:9 esebimen basym tústi, - dep habarlaıdy Almaty-akshamy.kz Tengrinews.kz-ke silteme jasap.
Al negizgi ýaqytta Messı mergendigimen kózge tústi. Bul óziniń jańa komandasy úshin 10-ynshy goly bolatyn. Osylaısha, Leo jańa komandasy sapynda óziniń kezekti kýbogyn jeńip aldy. Alaıda, bul "Inter Maıamı" tarıhyndaǵy alǵashqy jeńis bolatyn.
Jalpy alǵanda, argentınalyq úshin bul kýbok klýbtyq týrnırler men ulttyq quramalar deńgeıinde 44-shi trofeı bolatyn. Bul kórsetkish boıynsha ol mansabyn aıaqtaǵan brazılıalyq qorǵaýshy Danı Alvesti jeńip, birinshi orynǵa shyqty.
Aıta keteıik, Messı 35 tıtýldy Barselonamen, beseýin Argentına quramasymen, úsheýin Parı Sen-Jermenmen, endi bireýin Inter Maıamımen jeńip aldy.