Jelide meshitte balalarǵa aıaǵyn ýqalatqan ımamnyń vıdeosy qyzý talqyǵa tústi.
Búgin QMDB atalǵan oqıǵaǵa qatysty túsinikteme berdi, dep habarlaıdy aqshamnews.kz.
Belgili bolǵandaı, áleýmettik jelide qyzý talqylanǵan vıdeo "Saryaǵash" medresesiniń bas ustazy Ábdýjappar Smanovqa qatysty bolǵan.
Dinı basqarmanyń baspasóz hatshysy Aǵabek Qonarbaıuly eń birinshi kezekte qulshylyq úıine kelgen adam meshit tártibin saqtaýǵa tıis ekenin aıtty.
Meshit – qulshylyq úıi, jamaǵat jınalatyn rýhanı orda, qasıetti meken, tárbıe orny. Qulshylyq úıine kelgen adam meshit ádebin saqtaýy tıis. Bul – musylmannyń kórkem mineziniń bir.Túrkistan oblysy Saryaǵash aýdanyndaǵy meshitte bolǵan oqıǵa áleýmettik jelilerde tarap, qoǵamnyń túrli pikir qaıshylyǵyn týdyrdy. Osyǵan oraı Qazaqstan musylmandary dinı basqarmasy qasıetti orynda qoǵam narazylyǵyn týdyrǵan áreketke jol bergeni úshin meshit ımamyna eskertý jasady. Qazaqstan musylmandary dinı basqarmasy elimizdegi barsha musylman jamaǵatyn qulshylyq úılerinde daýys kóterip sóılemeýge, ádepsiz áreketterge jol bermeýge, urys-keris jasamaýǵa shaqyrady. Jamaǵatty barynsha meshit ádebin saqtaýǵa úndeımiz, - dep jazdy ol.