Búginde 1,4 mlrd teńge somasyna 8 800 qaryz jáne mıkrokredıt boıynsha 5 myńnan asa sarbazdyń nesıelik tólemderi keıinge qaldyrylǵan, dep habarlaıdy Almaty-akshamy.kz.
Ekinshiden, Qarýly kúshterdiń, basqa da áskerler men áskerı quralymdardyń oqý ortalyqtarynda ekonomıkanyń naqty sektorynda qajet áskerı-esepke alynatyn mamandyqtar boıynsha sarbazdardy daıyndaıdy. Olarǵa memlekettik úlgidegi kýálikter bere beriledi.
Úshinshiden, Qorǵanys mınıstrligimen 70-ten astam joǵary jáne joǵary oqý ornynan keıingi bilim berý mekemeleri boryshyn ótegen sarbazdarǵa bilim berý sektorynda qosymsha jeńildikter berý týraly kelisimge qol qoıdy.
Qorǵanys vedomstvosynyń ókili áskerge shaqyrylýshylarǵa 1414 biryńǵaı baılanys ortalyǵynyń jelisi boıynsha SMS-habarlamalardyń, ne úıiniń jáne qyzmet ornynyń mekenjaılaryna jeke shaqyrý qaǵazdarynyń kómegimen jetkizetinin habarlady.
«Azamattardy aqyly járdem kórsetýge ýáde bergen adamdardyń kómegimen áskerge shaqyrýdy keıinge qaldyrý nemese bosatý máselelerin sheshýge tyrysýdan saqtandyrǵym keledi. Shaqyrýdy keıinge qaldyrý jáne odan bosatý jónindegi memlekettik qyzmetter «elektrondyq úkimet» portaly arqyly avtomatty túrde kórsetiletin bolady», - dedi Baýyrjan Artyqov.
Sonymen qatar ol óńirlerde qorǵanys isteri jónindegi departamentteriniń janynda «Qarýly Kúshter – adaldyq alańy» jobalyq keńseleriniń senim telefondary jumys isteıtinin eske saldy. Júzbe-júz kezdesýden basqa, elektrondyq poshta jáshikteri men áleýmettik jelilerdegi resmı akkaýnttar arqyly keńes ala alýǵa bolatyndyǵyn atap ótti. .