Mergender «ArHO-2022» kezekti kezeńinde jeńiske jetti

Qazaqstandyq jaýyngerler Halyqaralyq armıa oıyndary ótip jatqan polıgondarynda ózderiniń kásibı sheberligin kórsetip, saıystar ári qaraı qyzyqty órbýde, dep habarlaıdy Almaty-akshamy.kz.
Aqmola oblysynyń Shýchınsk qalasyndaǵy «Amandyq» polıgonynda «Merıdıan» saıysyna qatysýshylar ekinshi «Azımýt» kezeńiniń jattyǵýyn oryndady. Aýdany 12 sharshy shaqyrym aýdannyń ortasha qıylysqan jeri boıynsha qozǵala otyryp, segiz eldiń áskerı topograftary berilgen baǵyttar men taktıkalyq tapsyrmada kórsetilgen baqylaý núkteleri boıynsha ótti. Topogeodezıalyq eseptoptardyń saıysynda 41 mınýt 53 sekýndta jeńiske jetken Qazaqstan komandasy boldy. Saıysty ekinshi bolyp  Qytaı áskerı qyzmetshileri – 46 mınýt 36 sekýnd, úshinshi – Belarýs 49 mınýt 26 sekýnd ýaqyt kórsetkishimen aıaqtady. 
Qaraǵandy oblysynyń «Spassk» oqý-jattyǵý polıgonynda «Taktıkalyq mergen» jarysynyń «Jaýynger ekeý» dep atalatyn ekinshi kezeńi ótti. Áskerı qyzmetshiler ǵımaratty shartty qarsylastan azat etý tapsyrmalaryn oryndady. 
«Atalǵan jattyǵýdy oryndaý kezinde oqys oqıǵalardy boldyrmaý úshin tóreshiler ǵımarat ishindegi atqyshtardyń janynda bolyp, qaýipsizdik tehnıkasynyń saqtalýyn baqylaıdy. Munda jaýyngerler birge jumys isteı otyryp, ekeýi de barynsha muqıat jáne saq bolýy kerek», –  dedi saıystyń tóreshisi maıor Ǵalym Sadyqov.
Kásibı sheberliktiń, jyldam jáne úılesimdi is-qımyldyń arqasynda Qazaqstan komandasy jeńiske jetti. Ekinshi orynda Qytaıdyń áskerı atqyshtary, úshinshi orynda – Ózbekstan.
Jambyl oblysyndaǵy «Gvardeısk» polıgonynda «Artılerıadan oq atý sheberleri» saıysynda mınaatqysh eseptoptarynyń ekinshi kezeńinen keıin, ıaǵnı jeke jarys pen túngi sprınt nátıjeleri boıynsha Qazaqstannyń áskerı qyzmetshileri kósh bastap keledi. Ekinshi orynda Reseı komandasy, úshinshi orynda – Ázerbaıjan.
Ázerbaıjan Respýblıkasynyń aýmaǵyndaǵy teńiz polıgonynda ótip jatqan «Teńiz kýbogy» saıysynyń ekinshi kezeńi ótti. Áskerı teńizshiler teńiz nysanalaryna artılerıadan oq atty. Jattyǵýlardy oryndaý nátıjeleri boıynsha qazaqstandyq teńizshiler 87 upaımen ekinshi orynǵa taban tiredi, al, birinshi oryndy 90 upaı alǵan reseılik jáne ázerbaıjandyq áskerı qyzmetshiler ózara bólisti.