«Azamattarǵa arnalǵan úkimet» memlekettik korporasıasy Jańa jyl merekesi kúnderi halyqqa qyzmet kórsetý ortalyqtary men mamandandyrylǵan HQKO-lardyń jumys kestesin jarıalady, dep habarlaıdy Aqshamnews.kz.
Memlekettik korporasıanyń resmı málimetinshe, 1 jáne 2 qańtar, sondaı-aq 2026 jylǵy 7 qańtarda elimizdegi barlyq HQKO men arnaıy HQKO-lar jumys istemeıdi.
Al 3 qańtar, senbi kúni kezekshi HQKO men arnaıy HQKO-lar azamattardy qabyldaıdy. Bul kúni qyzmet kórsetý ýaqyty 09:00-den 13:00-ge deıin jalǵasady.
5 jáne 6 qańtar jumys kúnderi bolyp sanalady. Osy kúnderi elimizdegi barlyq HQKO men arnaıy HQKO-lar qalypty rejımde jumys isteıdi.
Memlekettik korporasıa ókilderi eske salǵandaı, HQKO-lar jumys kúnderi azamattardy 09:00-den 18:00-ge deıin qabyldaıdy. Al kezekshi HQKO men arnaıy HQKO-lar dúısenbiden jumaǵa deıin 09:00-den 20:00-ge deıin, senbi kúni 09:00-den 13:00-ge deıin qyzmet kórsetedi.
Sonymen qatar, buǵan deıin jelide 1414 biryńǵaı baılanys ortalyǵy arqyly aqyly qyzmetter kórsetiledi degen aqparat taraǵan bolatyn. Atalǵan jaıtqa qatysty «Azamattarǵa arnalǵan úkimet» memlekettik korporasıasy resmı túsinikteme bergenin habarlady.